Oipindi yaMuthiya ya eta ko omayulu

Odoolopa yaMuthiya moshitukulwa shaShikoto oye li longekidila oipindi oyo tai ka kala ya denga mbada, tai ka kala ko moOktoba neudo.

Eshi otashi ka kala oshikando shititatu odoolopa yaMuthiya tai ka kala nomaulikilo oipindi.

Mayola wodoolopa Wilbard Anyemba okwa ti neudo ova hala oipindi ika kale ya yandja eemhito da yooloka kovakalimo vomodoolopa vomapupi aeshe unene ovanyasha.

“Oha tu ka pa ovanyasha omhito va ka ulike oitalendi yavo momikalo da yooloka kutya nee omo kumwenyeka ovanhu, oitelendi, nakeshe tuu osho tava dulu okukala va ninga tashi va etele odola mondjato,” ta ti.

Okwa twikila kutya neudo natango otava ka kala yo vena eeprograma okudilila keembelewa da yooloka osho yo odo tadi ka ongalifa ovanafaalama va yooloka.

Ovangeshefa novayasha ovo tava ka kala fimba ina ongodi opo va dule okumona ouyelele wa wana mwaaishe oyo tava ka pumbwa.

Odula ya dja ko, odoolopa inai pondola oku unganeka oipindi molwaashi kapa li pe na oshimaliwa sha wana.

“Ashike neudo otwa kendabala okukala tu na ouvalelo wonomenawina. Ouvalelo wowina neudo owa ongela N$ 626 026. Eshi osha yandja omhito opo tu kale tu na oshimaliwa sha wana moshikefa shetu opo tu dule oku ya komesho noipindi yetu neudo,” ta ti.

Okwa ti oipindi neudo natango otai ningilwa ashike apa yali yaningilwa mo 2024. Ta ti odoolopa oya teelela ovatalelipo okudja keenhele da yooloka.

Anyemba okwa ti okwa teelela ovakalimo vomoitukulwa aishe konooli osho yo eedoolopa dopopepi ve uye va waimine pamwe nokuhafela pamwe navo vo va yambidide keshe ou taka kala ta shingifa moipindi e i.

*-maxhenrich35@gmail.com *

The post Oipindi yaMuthiya ya eta ko omayulu appeared first on New Era.