King Supernyofi taka pitifa ‘Oshimaliwa is Medicine’
Hambeleleni Daniel Omushikingalo Edward Dos Santos a shiivika nawa nedina lokembako D- Supernyofi oo avenapo ekopi lOngoma Musix Award ovaimbi ava opo taveya mowela neudo. Menghundafana naKundana, D- Supernyofi okwa ti oku li ta ka pitifa oAlbum i pe tai ufanwa “Oshimaliwa is Medicine” “Oalbum ota i ka popya ashike shinasha nongeshefa. Kutya ngeenge... The post King Supernyofi taka pitifa ‘Oshimaliwa is Medicine’ appeared first on New Era .
AI summary
**Hambeleleni Daniel **
Omushikingalo Edward Dos Santos a shiivika nawa nedina lokembako D- Supernyofi oo avenapo ekopi lOngoma Musix Award ovaimbi ava opo taveya mowela neudo.
Menghundafana naKundana, D- Supernyofi okwa ti oku li ta ka pitifa oAlbum i pe tai ufanwa “Oshimaliwa is Medicine”
“Oalbum ota i ka popya ashike shinasha nongeshefa. Kutya ngeenge omunhu owahala oku tameka ongeshefa ino pumbwa oku tala konima ndelo mbwangula ashike molwaashi eshi shafimana oku tula omboloto poshitaafula,” Supernyofi ta ti.
Okwa ti “Oshimaliwa is medicine” oalbuma yaye ititatu noya teelelika ikakale yapita kexulilo lodula ei.
Ta hovele oo kutya Oshimaliwa is Medicine ota i kumbata eengalo di dulife po20 dayooloka odo datulwa kumwe ku M-Jay wo Drumkick production, Young o Interface music studio noshoo Ally, The Mini King oku dilila ko Unique Records.
D- Supernyofi moalbum yaye okwa longa novashikingalo vakwao vashiivika nawa mowela ngaashi;Sky King, Dizzo D, M-jay navakwao vahapu oku dilila koVolker, Record nation.
Okwa ti oalbum yaye oye mupula oule odula aishe opo akale eimana.
D- Supernyofi okwa ti olweedo laye lokwetapo oalbum ititatu kali pu. Ta ti okwa kala unene mo mumbwe yoshimaliwa oyo ya taalela oo ovashikingalo vahapu.
“Fimbo limwe kandina oshimaliwa Shawana ndelo okashona oko dinapo oko ashike handi longifapo opo ndi dule oku pitifa eealbum dange” Supernyofi ta ti.
Omwiimbi ou okwa ti yee odalele yaPundja moshitukulwa shaShana ashike mopaife oku li omukalimo womo Swakopmund.
Okwa ti ohaimbi unene eengalo ndoAfro Quito na keshe umwe okushishi nawa kutya oye omwiimbi dingi wengalo odo doAfro Quito.
Kakele keengalo, natango okuli yo omunangeshefa .Okuna oumbidja tava landifwa vashangwa “ Supernyofi” ovo tava hangika keshe po ka kololo moNamibia.
Ta ti po pena oumbindja ava opo ngaho ta pa hangika noUSB va ye.
Okwa ti eengalo daye otadi monika o kepandja lokomalungula ngaashi You Tube Tiktok Facebook no ko aIG.
Supernyofi okwa twa ovanyasha omukumo ava vena ounongo wokuimba opo taveya mowela valonge noudiinini va ha shune monima, va kodjife fiyo tava hange eedjodi ndavo. Omumwenyeki ou okwa ti ota indile ovaunganeki voitufi opo vemu ufane a mwenyeke poivilo yavo.
Okwa ti okwa manguluka okumwenyeka keshe apa ta ufanwa.
Naxuninwa okwa pula ko vanamutima-ghenda, epangelo oshoyo ovanangeshefa opo vakale tava ha mbidida ovashikingalo opo vadule oku kala tava pitifa ealbum davo.
The post King Supernyofi taka pitifa ‘Oshimaliwa is Medicine’ appeared first on New Era.
Follow the story
About this article
- Length
- 388 words · 2 min read
- Published
- November 16, 2026
- Byline
- Staff Reporter
- Source
- New Era Namibia