Namport a ndwanga omiliona N$ 1.3 mehongo kOhangwena
AI summary
Ehangano loNamibia Ports Authority Namport, ola yandja eemiliona N$ 1.3, odo daya metungo leengulu fikola kopilima fikola yedina Ehenene moshitukulwa shaHangwena.
Ehangano eli ola tungila ofikola ei eboloka limwe olo lina eengulufikola nhee, oshoyo ounduda vavali vokupungulila.
Sebby Kanghodi oo eli omukulunhuwiliki wehangano loNamport okwa ti oufike pamwe mehongo oo oshiima shotete vahala oku tulwa mehongo.
“Ounona veli meefikola dokomokandi navo ovena oufemba wokula nokumona ehongo lili nawa, loo vali ola xuma komesho kutya nee oveli meefikola momikunda,” ta ti.
Okwa twikila kutya eshi sheva fininika opo vayandje ekwafo lonomenawina eli kofikola ei, osheshi kutya petalelepo lavo limwe kofikola oyo tuu ei, ovahangele ounona tava hongelwa monghalo ihefi okulididimikilwa.
“Onde lineekela kutya ofikola oina ovanafikola vakoya po 300, ndele vahapu ohava longelwa meengulu doipeleki odo damona oixuna komhepo nokodula omo nokuli pefimbo lodula hadi talama omeva,” ta ti.
Okwa twikila kutya eengulu doipeleki edi hadi longelelwa ovanafikola ava nonande okwa li yoo danika oshiponga shaashi oipeleki kayali ina fiku inai vikulwako komhepo.
“Otu shishi kutya komafuta oku twadja okokule okufika kEhenene, ashike oinano ile hayo tai kala oshimbide meendjila detu dokuxumifa ehongo loye komesho,” Kanghondi ta ti.
Ngoloneya woshitukulwa shaHangwena Kadiva Hamutumwa oo ali a kalelwa po okwa holola kutya voo oveli mombwe yakula yeengulu moshitukulwa shavo.
“Eshi hatu popi ngaha, otu na omhumbwe yeengulu doku hongela ovanafikola dafika po800, woo omwaalu onghee ngaho tau ende tau kulu,” ta ti. Ngoloneya okwa yelifa kutya epangelo otali kendabala lela apa naapenya, ashike omwalu wovanafikola onghee ngaho tau ende tau kulu.
“Onghee ngeenge tweli hange twa shakeneka omakwafo oludi eli, ohatu pandula neengono shaashi, omahangano aa ohae tukufa moshipyu sholudi eli,” Hamutumwa ta ti.
Okwa ti oshitukulwa otashi twikile noku holola olupandu alo kushe ou teli yambe oku yambidida metungo leengulu meefikola doshitukulwa shaHangwena.
Ovahongi vopofikola ei ova kunghililwa vafile omatungo epangelo oshisho, opo adule oku kwafele omuhongwa ou tadi konima.
The post Namport a ndwanga omiliona N$ 1.3 mehongo kOhangwena appeared first on New Era.
Follow the story
About this article
- Length
- 326 words · 2 min read
- Published
- November 16, 2026
- Byline
- Taimi Haihambo
- Source
- New Era Namibia