Soomaaliya iyo Norway oo ka wada hadlay xoojinta xiriirka labada dal.
Wasiirka Arrimaha Dibadda iyo Iskaashiga Caalamiga ah ee Soomaaliya, Cabdisalaam Cali, ayaa magaalada Oslo kula kulmay dhiggiisa Norway, Espen Barth Eide, iyagoo ka wada hadlay xoojinta xiriirka diblomaasiyadeed iyo iskaashiga labada dal.
Kulanka ayaa ka dhacay dhinacyada shirka Wasiirrada Nordic iyo Afrika oo ka socda magaalada Oslo, waxaana labada wasiir ay isla soo qaadeen xiriirka Soomaaliya iyo Norway iyo arrimo kale oo danaha labada dhinac ah.
Soomaaliya ayaa sheegtay inay ka go’an tahay iskaashiga caalamiga ah ee taageeraya mudnaanta qaranka, isla markaana gacan ka geysanaya nabadda iyo xasilloonida gobolka.
Norway ayaa ka mid ah dalalka Soomaaliya kala shaqeeya arrimaha horumarinta, dowlad-dhiska iyo taageerada hay’adaha dowladda.
Follow the story
About this article
- Length
- 105 words · 1 min read
- Published
- November 19, 2026
- Byline
- Ayub
- Source
- Allbanaadir