Opolifi moshitukulwa shaTjozondjupa oya tula omukwashiwana waCongo moipandeko konima eshi a hangika nondwanga yomiti tadi fekelwa da dja moshipangelo shepangelo mOtjiwarongo.

Otaku hokololwa kutya nakutulwa moipandeko okwa hangwa ta landifa omiti mondingosho yaye mOtjiwarongo. Omupopiliko wopolifi moshitukulwa shaTjondjupa Maureen Mbeha okwa ti ouyelele owe ya kombada konima eshi nakufekelwa ali ena omakuyunguto nomunailonga pamwe naye.

Omunailonga otaku hokololwa a li a longele oshipangelo shaTjiwarongo nokondalaka yaye eshi ya xula, okwa twikila noku longela oshipangelo momukalo wokuliyamba.

“Omakuyunguto pokati kovanhu ava okwa tameka molwa etukulafano loimaliwa yomiti, omashini osho yo omilambo dounona odo da pitifwa moshipangelo nelalakano loku landifa kondje inai tukulwa nawa,” ta ti. Mbeha okwa ti omakuyunguto okwa fininika opolifi iye kolukanda laOrwetoveni oku taku feekelwa kwa landifwa oinima oyo ya kana moshipangelo. Omupopiliko wopolifi okwa ti oinima oya hangika ya tulikwa muimwe yomeendigosho tai landifwa.

“Omufeekelwa kali ta dulu oku yandja ouyelele koinima ei ta landifa kutya okwe ikufa peni osho yo ombaapila oyo yemu pa eefelo lokulandifa oinima oyo,” ta ti.

Mbeha okwa ti moshibofa ova kendabala oku tula mo ovanambelewa oku dilila kouministeli wouhaku va tale ngeenge ondingosho oili pondodo yokulandifa omiti ashike kaya li ili nande opo ndodo opo.

Omufeekelwa okwa teelelika a holoke komhangu yaTjiwarongo nena.

–Taimihaihambo2000@gmail.com

The post Omukwashiwana waCongo moipandeko molwoulunga weepela appeared first on New Era.