Omatunda taa ka kala noudano wokomudo

**Hambeleleni Daniel **

Omukunda Omatunda mOhaingu moshitukulwa shaHangwena otau ka kala nomaudano okomudo okudja momafiku 19 fiyo 20 Decemba neudo pokapale kedina Rambos. Umwe womovakwatelikomesho voudano Hafeni Vilho a shivika nawa nedina Welloh okwa ti eengudu domaudano odo da hala oku ya di kufe ombinga nadi tameke okulinyolifa.

Welloh okwa kwashilipaleka kutya okulishangifa oku na ashike N$400 keshe ospana.

Okwa ti oudano ou otau ka yandja omapapa keespana natu odo tadi ka findana.

Ospana tai ke ya ponomola yotete otai ka yangata po N$2 000, ekopi neembadi doshingoli.

Ovafindani tave ke ya ponomola itivali otava ka vena N$1 500 neembadi doshishiliveli.

Omanga omutitatu otaka ya noN$1500 neembandi doshikushu. Okwa ti natango otava ifana ovanangeshefa aveshe ovo va hala okukufa ombinga va ka kufe ombinga koshali.

Welloh okwa ti ovaholi voudano aveshe vomaudano nava kwashilipaleke kutya eespana davo shangifwa manga kuyela opo va kale va kufa ombinga.

Okwa holoa kutya elalakano loudano ou okuyadja omhito kovanyasha opo va dule oku ulika ounongo wavo osho yo okuyadja omhito kovanangeshefa vopendu va landife oinima yavo.

“Elalakano loudano ou okweeta ovanhu pamwe nokuhafela pamwe osho sha pumba mopaife opo tu dule okukwatela po ombili navakwetu,”ta ti.

[email protected]

The post Omatunda taa ka kala noudano wokomudo appeared first on New Era.