Eepoloyeka deebiliona otadi pewa omahangano aChina – LPM

Ongudu yoLandless People’s Movement otai tamaneke epangelo kutya otali pitike omahangano aChina a kwate ko oshikondo shomatungo shaNamibia, neepoloyeka dihapu deebiliona moshikondo eshi oda pewa omahangano aChina.

Hamushanga woikumungu yongudu yakeshe efiku, Dawid Eigub, okwa ti eebiliona di li lwopoN$6.7 meepoloyeka domatungo oda pewa omahangano aChina.

“Eepelesenda di li lwopo40 deepoloyeka depangelo moshikondo sheendjila, olutenda nomeva paife otadi wilikwa komahangano aChina, omanga omahangano Ovanamibia taa longo noudjuu okukufa ombinga,” Eigub ta ti.

Ongudu oya yandja oshiholelwa sheepoloyeka ngaashi ondjila pokati koSwakopmund nOmbaye, yongushu yeemiliona N$967, olutenda pokati Kranzberg nOmbaye longushu yoshimaliwa sha konda pobiliona nondjila pokati kOvenduka noHosea Kutako Airport kobiliona imwe.

Okwa ti omahangano Ovanamibia luhapu ohaa kwata ashike eeshapa moilonga ei, omafimbo amwe taa mono ashike eepelesenda di li o25 doilonga oyo e na kwa li okukwatela komesho.

“Omahangano aNamibia aa kala nokukufwa mo moshikondo shomatungo,” osho a ti ngaho, ta weda po kutya eyambukepo inali talikila ashike koilonga oyo ya manifwa ashike na litalikile yo komauwa oo a pewa Ovanamibia.

Ongudu oya londwela kutya edopo lepangelo lokuyambula po oshikondo shopaumwene otali naipaleke okuhena oilonga nekufombinga lovanhu vomoshilongo meliko.

The post Eepoloyeka deebiliona otadi pewa omahangano aChina – LPM appeared first on The Namibian.