Veli 527 mOshana tava lumbu noudu wopamadiiladilo

**Hambeleleni Daniel **

Ovanhu veli 527 ova lopotwa tava lumbu noudu wopomadilaadilo pokati kaAprili naSeptemba 2026.

Ouyelele ou owahololwa ketanga leameno eshi la li laninga oshikonga shinasha nomalikufo mwenyo, nonghee ovakwashiwana vena oku a keelela.

Oshikonga eshi sha ningilwa mOngwediva Multipurpose Centre Etivali.

Omutumba ou okwa li wa ongaleka ovakwashiwana opo va popye oyeetifi yomalikufo eemwenyo na nghe vena okukonga omavatelo.

Omukulunhu woshikondo shexungo mwenyo mOshakati Martha Shipaka oo naye ali omukufimbinga moshitufi eshi, okwa popya oilanduli oyo hai hange omunhu ngeenge ena oudu wopamandilandilo ngaashi omalipulo, omaliudo, omikalo dilili noku lili oshoyo omashongo.

Okwa ti oukolele wopamadilaadilo oshinima shafimana monghalamwenyo yomunhu.

Shipaka okwa popya oinima ihapu oyo hai eta oudu wopa madilaadilo ngaashi, omaudju momaumbo, oshimaliwa, omaipumo mumwe peenhele doilonga oshoyo omauvela omonghalamwenyo.

Okwa ti oudju woshimaliwa ohau etwa kokulya eengunga komahangano oshoyo movanhu. Okwa ti natango oudu wopomadilaadilo ohau u etwa vali komahepeko omomaumbo, oku kanifa ohole nokulafana omalaka mai.

Shipaka okwa lombwela ovanhu vakale kepo oukolele wavo nokukala nokaume, ovakwanedimo nawa, okulya oikulya oyo ina oukolele oshoyo okumona efundepo lawana.

Natango okwa kunghilila oshiwana shili vangeke okunwa omalondu oshoyo oingangamwifi.

Okwa lombwela ovakwashiwana vakale tavafile ovanhu ovo vena oudu wopomadilaadilo oshisho ndele haku Kala ta ve vaula omalaka mai.

Natango okwa lombwela ovanhu vomomidingonoko vakale hava pwilikine komaupyakandi avakwao nosho oo vakale tava tale ovapambele vavo nokaume noku vakongela omakwafo ngeenge veli momaupyakadi.

“Ovanhu mo nena ngeenge ova hange omunhu teli mangeleke ilo tati okuna edilaadilo lokulikufa omwenyo ohave shi yolopo nokumula kutya ota kongo ohole movanhu ponhele yokumukwafela.

Ovanhu natu vapeni ekwafo apa tashi dulika ponhele yokuvayola nokuvasheka,” ta ti. Omukulunhu wopolifi mOshana Commissioner Andreas Shilelo naye okwa popya omashongo oo hama dulu okuhanga ovapolifi menhele ndavo ndoilonga.

Okwa ti ovena omaupyakandi ngaashi okulonga efimbo lile, oiponga inyanyalifa, oku patolola nomalaka mai okudja movakwashiwana.

Commissioner okwa pula omahangano, eefikola,oipangelo nengeleka di longe noundinini okulonga ovanhu shi nasha noudu wopomadilaadilo.

“Nena ngeenge omapata, okaume, epangelo oshoyo oikondo yopaumwene otai longele kumwe ohatu dulu okukondeka omalikufo mwenyo oshoyo oudu wopomadilaadilo ,” Shilelo ta ti.

Okwa ti ovanhu ava vena omaudju nava konge ekwafo movanhu ndelo ina vakala ashike vamwena fiyo tava kwatwa komandilandilo omalikufo mwenyo.

*[email protected] *

The post Veli 527 mOshana tava lumbu noudu wopamadiiladilo appeared first on New Era.