Oimbuluma ya shuna pedu mOshana- Shilelo

OSHAKATI- Omukulunhu wopolifi moshitukulwa shaShana Commissioner Andreas Shilelo okwa ti okudja omwedi wa dja ko eshi opolifi ya kwata po ovalumenhu vatanho mekwatafano lomunyeka woshimaliwa, paife oimbuluma oya shuna pedu moshitukulwa.

Okwa ti yelifa ta ti okudja oivike itatu ya pita moshitukulwa omwa lopotwa oimbuluma ya shuna pedu.

Naashi otashi ulike kutya opolifi moshitukulwa otai longo nondjungu okukandeka oimbulume efimbo keshe.

Shilelo okwa popya ta ti ovalumenhu ovo va kwatwa po mekwatafano lomunyeka woshimaliwa sha ningwa mOshakati, otaku fekelewa kutya mboli ovo natango mboli va nyika omukulupe oN$70 000.

Okwa li ta popi elikwatela koshikumungu shomunyeka woshimaliwa shi fike poN$ 70 000, osho sha nyekwa omulumenhu mOshakati omwedi wa dja ko, molukanda Uupindi efimbo.

Okwa koleka ta ti fiyo onena ka pena omunhu a kwatwa po mekwatafano lomunyeka ou.

Opolifi oya hokolola tai ti omulumenhu weedula 58, okwa nyekwa vati oshimaliwa konima eshi a nana oshimaliwa osho tuu eshi po Bank Windhoek poshitaasi shaShakati.

Opolifi otai hokolola tai ti nakuningwa oshihakanwa okwa li a shinga otuwa okudja kombaanga a uka kUupindi aka tale ko oipumbiwa yaye imwe ashike vati opo ashike eli po, okwa dja ashike okatukala kamwe oko ka tula otuwa yaye komesho ndele umwe temu ulike ondjebo nokumu kufa oimaliwa.

Konima vati omwa dja ovalumenhu vavali, umwe natango e na odjembo nokumukufa okadjato oko kwali ke na oshimaliwa.

Ovafekelwa ove mu nyeka yo eeshapi dotuwa nokandjato kaye kanini omo mwa li muna N$1 000 osho yo elyenge laye mofingo.

Otaku hokololwa pehe nao u a monifwa oshiponga.

Okwa kumaida oshiwana opo shi kale tashi pula opo shi findikilwe kopolifi ngeenge tashi kanana oshimalima shihapu molwaashi ovanhu paife ova ninga oihakanwa yokunyekwa oshimaliwa keembudi.

“Opolifi oi lilepo okukaleka po eameno loshiwana mwa kwatelwa omaliko,” ta ti.

Okwa ti itashi ulike fano liwa ngeenge ovanhu alushe tava lopotwa va kanifa oshimaliwa shihapu eshi va ponokelwa koolyamupombo.

Shilelo okwa kumaida oshiwana opo shi kale shi li oupafi ngeenge tashi di kombaanga.

“Ka leni ta mu keuka kutya konima yeni otaku di lyelye shaashi paife eembudi odi hole okulandula omunhu manga ta di mombaanga fiyo okoku auka,” ta ti.

Okwa ti ngeenge omunhu otadi kombaanga ndele ta mono omunhu e li motuwa ile keemadi e mu landula nena na dengele opolifi meendelelo.

*[email protected] *

The post Oimbuluma ya shuna pedu mOshana- Shilelo appeared first on New Era.