Omukulupe e li tuwa a xulifila mololi

Okwa lopotwa omukulupe womulumenhu weedula 62e li omushingi wololi e li tuwa a xulifila koshipundi mololi.

Okwe li tuwa Omaandaxa e li mololi poshitaashi shomaholi shedina Onamulunga moshitukulwa shaShikoto efimbo longula.

Omukulunhu wopolifi moshitukulwa shaShikoto Commissioner Iifo okwa koleka onghundana ei onghela.

Opolifi oya hokolola tai omukulupe ou okwa li aya Olomakaya kOshakati a twalwa oinima nololi.

Oku li omunailonga a shingi ololi moitukulwa ya yooloka ngeenge twala oinima keefitola.

Otaku hokololwa kutya ovanailonga kehangano lavo, ova kala nokudenga ongodi yaye ashike itai nyamukulwa.

Opolifi oya hokolola tai ti ovanailonga pamwe naye ova ka tala koufano ovo hava tale kutya eeloli otadi ende peni.

Oufano ovo ova longwa hava konakona omalinyengo eetuwa.

Opolifi oya hokolola tai ti konima ovanailonga eshi va mona kutya ololi ei oya kanghama poshitaashi shomahooli shi li moshitukulwa shaShikoto, ova fika po.

Otaku hokololwa kutya olutu lomukulupe ou omo ashike la hangika mololi nongodi yaye i li koshipundi ya patuluka.

Opolifi oya hokolola kutya ka pena omadidiliko taa ulike kutya omulumenhu ou okwa dipawa.

Olutu laye ola twalwa kokila koshipangelo shaNandjokwe opo li ka ningilwe omakonakono kombinga yoshietifi shefyo laye.

Opolifi oya kumaida oshiwana opo shi kale tashi ka konga epango pefimbo ngeenge sha didilika kutya oshina oudu wonhumba.

fhamalwa@nepc.com.na

The post Omukulupe e li tuwa a xulifila mololi appeared first on New Era.