ONGWEDIVA – Justus Tangeni Muteyauli a shivika nawa DJ M-Juce okwa ti okuhole okudana eengalo poivilo yomalihafifo molwashi okuna ounongo nohokwe yokuhafifa ovanhu neengalo osho yo okumwenyeka. Okwa ti ngeenge owa hange ta dana eengalo omunhu keshe oha kala te li nyenge eudite ombili nokuimba. Omulumenhu okwa ti okwa tameka okulonga oilonga you DJ okudja... The post DJ M-Juce ota mwenyeke oshiwana appeared first on New Era .
ONGWEDIVA – Justus Tangeni Muteyauli a shivika nawa DJ M-Juce okwa ti okuhole okudana eengalo poivilo yomalihafifo molwashi okuna ounongo nohokwe yokuhafifa ovanhu neengalo osho yo okumwenyeka.
Okwa ti ngeenge owa hange ta dana eengalo omunhu keshe oha kala te li nyenge eudite ombili nokuimba.
Omulumenhu okwa ti okwa tameka okulonga oilonga you DJ okudja omudo 2017 konima eshi a mona kutya okwa pumbwa okulongifa ounongo waye.
“Onda tameka pefimbo ndi li kosekundofikola eshi kwa li handi dana eengalo nookaume kange,” ta ti.
DJ M-Juce okwa ti natango oku li a kululula molwaashi okwa pewa omaano ounongo wokeenyala.
“Ohandi dana eengalo odo di holike kovanhu. Novanhu ovo va shima ngeenge ova udu handi dana eengalo ohava tameka oku li nyenge shaashi eengalo odiwa odo otadi tula omadilaadilo ponhele,” ta ti.
Okwa pefimbo a li okamatyona okwa putuka e hole okutala ovanhu eshi ngeenge tava dana eengalo nokumwenyeka koivilo yomalihafifo.
DJ M-Juce okwa hokolola ta ti natango okwa pewa omaano okuxwikila oitenda omo e li ta longo oilonga yokuxwikila omivilo.
Okwa ti elalakano okulanda omboloto yofamili yaye
“Ngeenge owa hange ndi li komashina ta dana eengalo omunhu keshe oha fikama ndele te li nyenge. Elalakano okuhafifa oshiwana keenhele da yooloka,” ta ti.
Okwa yelifa ta ti ovanhu vahapu ove hole okuya keendingosho ngeenge efiku olo oye e liko ta mwenyeke.
“Ohandi xupu ashike meengeshefa yange you DJ, okululula nokuwxikila. Ohandi ende koivilo yomalihafifo ya yooloka ngaashi omafundula, omashasho, omadalo osho yo oindingili hai kala keendingosho,” ta ti.
Okwa ti ongeshefa yaye oya lundulula onghalamwenyo yaye molwashi paife oha dulu okuyambidida ofamili yaye osho yo okufutila ounona vaye ofikola.
“Oha shi penge omukumu wokulonga nondjungu eshi ovanhu tava ufana nge ndi kamwenyeke koivilo,” ta ti.
Okwa ti ota twikile okukala ta ya kula nawa oshiwana molwashi otashi yandje omukumo kovanhu opo natango ve mu dengele mongula.
“Onda teelela eshongo linene loovene veendingosho vamwe vehe hole okufuta pefimbo ile tava penge okamaliwa kashona,” ta ti.
Okwa kumaida ovanyasha opo va twikile okulongifa ounongo wavo molwashi otashi va e tele oyuuyemo.
*fhamalwa@nepc.com.na *
The post DJ M-Juce ota mwenyeke oshiwana appeared first on New Era.
