Omupembe nago omadhewo

Victoria Immanuel

Aalumentu kwali taya nukathana noshidhano tashi ithanwa omupembe gwOndema oya ti oshidhano shoka na sho omadhewo.

Oshidhano shika oshali sha dhanwa kOlufuko sho kwali oongundu dhiidhani yopamuthigululwakalo tadhi ulike iitalenti ya wo.

“Okunukathana huka owuna okukala wuna oonkondo okunuka mule opo ku gwile komutse gwa mukweni, onkene owuna okukala wa dheuka,” omukwateli komeho gongundu ta ti ngaaka.

Aakuluntu yaasamane oyali ya landula mo taya etekele okunukathana, yo taya yolo mo oshoka oya nyanyukwa.

Martin Shilongo ngoka a li a kutha ombinga okwa ti okunuka omupembe omadhewo.

“Na wo uudhano oshoka sho twa kala koosikola otwa kala hatu lombwelo kutya otuuka kuudhano, ta tu ka nukithwa omupembe,” ta ti ngaaka.

Nangolo Shikulo okwa ti iidhano yimwe mbyoka oyili pamuthigululwakalo sho shoka hayi dhanwa ashike piituthi ngaashi mbika.

Omuthigululwakalohagu dhimbulukiwa omumvo kehe, moshiwike oshititatu shaSepetemba.

Aaniilonga naanasikola ohaya zala ya opala, yeli momizalo dhopamuthigululwakalo, yamwe ohaya teleke iikulya yomithugulwakalo nokuulikilathana esimano lyayo.

Oyendji ohaya zala omizalo dhomuhoko gwawo

nenge ngoka a hala okuzala.

Omumvo gwa zi ko aalongwa okwa li ya zala ya opala, omanga aalongi okwa li ya kutha esiku moshiwike Shoka, ya zala omizalo

dhopamuthigululwakalo okusimaneka oshiwike shoka.

–vkaapanda@nep.com.na

The post Omupembe nago omadhewo appeared first on New Era.