Oudano wokomudo kOnamutai wa eta ko omayulu

Omu k u n d a On amu t a i moshitukulwa shaShana otau ka kala nomaudano okudja momafiku 30 Oktoba fiyo 01 Novemba 2026 pokapale taka ifanwa Hangali.

Omukwateli komesho woudano Victoria Abisai okwa ti eengudu domaudano odo da hala oku ya di kufe ombinga.

Abisai okwa kwashilipaleka kutya okulishangifa oku na ashike N$600, omanga ava tave ya oku li shangifa eespana dili mbali tava ka kufilwa ko ndele tava futu ashike N$1000.

Okwa ti oudano ou otau ka yandja omapapa keespana nhee odo tadi ka findana. Ospana tai ke ya ponomola yotete otai ka yangata po N$4 500, ekopi neembandi doshingoli.

Ovafindani tave ke ya ponomola itivali tava ka vena N$3000 neembadi doshishiliveli omanga ovafindani ovanelao tave ke ya poutitatu noponomola onhine aveshe ova teelelika va kaye no N$1200 keshe umwe.

Okwa ti natango otava ifana ovanangeshefa vanini ovo va hala okukufa ombinga veuye veli shangife ovalandifi.

Ovanangeshefa vanini otava ka shingifa pomaudano notave li shangifa ashike koN$50 omanga ava vena outenda voikulya yopombanda nomalondu tave ke li shangifa koN$250.

Omalishangifo otaa tameke mo10 omwedi ou.

Abisai okwa ti ovaholi aveshe vomaudano nave ke li shangife manga ku yela opo va kale va kufa ombinga.

“Elalakano loudano ou okweeta ovanhu pamwe nokuhafela pamwe osho shili sha pumba mopaife,” Abisai ta ti.

*hambelelenindaniel56@gmail.com *

The post Oudano wokomudo kOnamutai wa eta ko omayulu appeared first on New Era.