Stad Kaapstad se nuwe konsep-Verordening oor troeteldiere lok kritiek uit

Die Stad Kaapstad se konsep-Verordening op die Aanhou van Diere, 2026 (Animal Keeping By-law), wat tans oop is vir openbare kommentaar tot 29 September 2026 het debat ontketen oor hoe ver die stad sal gaan om beheer uit te oefen en meer belasting geld te genereer.

Die verordening wil die bestaande 2021-reëls bywerk en dit strenger maak rondom die aanhou van honde, katte en ander diere deur middel van permitvereistes. Enige persoon wat ’n hond of kat ouer as ses maande aanhou, moet volgens die konsep by die Stad aansoek doen om ’n permit.

Dit moet gepaard gaan met ’n geldige hondsdolheid-inentingsertifikaat. Die verordening maak voorsiening vir ’n “voorgeskrewe permitfooi”, hoewel die Stad sê daar word tans geen fooi gehef nie. Dit sluit ook getallebeperkings (wat reeds in 2021 gegeld het):

• Woonstel/dwelling unit: maksimum 2 honde
• Gewone huis: maksimum 3 honde
• Groot huis (erf > 600 m²): maksimum 4 honde
• Landbougrond: maksimum 6 honde
• Katte: maksimum 4 op residensiële eiendom (6 op plase)

Wie meer diere as die limiet wil aanhou, moet ’n spesiale permit aansoek doen. Die nuwe konsep kan ook vereis dat die aansoeker skriftelike steun van minstens twee naburige bure kry. Ander voorstelle sluit in: verpligte sterilisaasie (tensy ’n vrystelling-permit verkry word), mikroskyf of identifikasie vir honde, strenger leibandreëls in openbare ruimtes, en wyer magte vir amptenare om diere te soek en te beslaglê.

Kritici sê die konsep skep inderdaad ’n nuwe stelsel van munisipale permitte (en moontlike “belasting”) vir elke troeteldier. Dit bemagtig ook die stad se inspekteurs om sonder ‘n lasbrief jou erf te betree. Die Stad, veral deur JP Smith en ander amptenare, ontken dit en sê registrasie was reeds onder die 2021-verordening verpligtend, is tans gratis, en “permitte” geld hoofsaaklik wanneer jy die getallelimiet oorskry of ongesteriliseerde diere wil aanhou.

Die openbare deelnameproses is nog oop, en inwoners word aangemoedig om kommentaar te lewer voordat die verordening gefinaliseer word.

Gaan lees hier meer en lewer kommentaar

Lees die bywet hier

(OBH)