Hashimuna modoolopa pefimbo lomatango manene

Elelo doolopa laNdangwa ola ongaleka ovakalimo valo, opo liva kunghilile shinasha netonatelo loimuna yavo shaashi ova taalela oivilo yomatango manene.

Edi oda yelifwa komu popiliko wodoolopa Petria Shitalangaho Mutikisha, konima eshi vali vaongaleka ovanafaalama vomeni lodoolopa oshoyo omikunda dopopepi edi da dingilila odoolopa yaNdangwa. Omutumba ou owali wa eta kumwe ovakufimbinga veli 40, oku dilila komikunda ngaashi Omakango, Onethindi, Etambo, Enkono, Olukolo, Oshandumbala, Oanmenye, Onantsi, Ontanga, Omashaka, Olunkono oshoyo Omapundo.

“Efimbo lomatango manene ohatu kala tuna odoolopa ina ovanhu vahapu vedulife ava hava kalamo shito, noma linyengo avo oha a kala lela ahapu,” Shitalangho Mutikisha ta ti.

Okwa twikila kutya ovanhu vamwe ohava kala ovatelelipo vodoolopa voo kaveshiimo nande onale, ndele ohava dulu oku kala vaetelwa engwangwano, unene ngeenge tava shingi voo ihava kala lela veshiimo nale modoolopa ndele odoolopa oye li hanena ashike eengobe noikombo oshoyo eendongi dili mopate do kadina ovatonateli ile ovafita.

“Oimuna imwe nokuli ohai li takeke ashike opate yoovene yei manako omanga imwe tai kendabala oku kala tai tauluka, nongeenge okwa di nande etuwa tali tondoka, ohali dulu oku li puma moshimuna ndele tali eta oshiponga osho tashi dulu oku kala kwa li sha amwenwa,” ta ti.

Omupopiliko wodoolopa okwa ti odoolopa oye yapo neendjidikila doku futifa keshe omukwashiwana a hangika ena oshimuna shaye tashi tava kana modoolopa, noshimuna eshi oha shi idililwa kelelo doolopa, nomanga mwene washo ineya eshi futileko nasho ina shi efwa , ashike omukalo ou nao paife owafa ashike waninga kemanya kudja ondwi shaashi omalinyengo oimuna onghee ngaho ta a twikile modoolopa, odoolopa tai yelifa.

“Elelo doolopa natango ola kendabala yoo okuya momikunda opo li popye nova nafaalama ndele kashiidule,” ta ti.

Shitalangaho Mutikisha okwa ti ota indile ovakwashiwana ava valongele kumwe nawa nelelo doolopa ndele tava tonatele oimuna yavo, iha kale vali mokati kovanhu ngaho.

“ Endjidikila edi da tulwapo kelelo doolopa doku yandja omahandukilo kovanhu ava nado otadi twikile ngaho nokuya moilonga, ashike elongelo kumwe oshoyo nombili ngeno oyo ngaa iwa,” ta ti

*[email protected] *

The post Hashimuna modoolopa pefimbo lomatango manene appeared first on New Era.