Omalinyengo oikwamakondo shilindi manga… omukifi wekondo nelaka wa tukuka mo!Kharas

**Taimi Haihambo **

Ouministeli wounamapya nounaimuna, eeshi, omeva nomatalululo omadu melongelo kumwe noshikondo shomayakulo oimuna owa ngabeka pakafimbo omalinyengo oikwamakondo aishe moshilongo.

Eshi osha hala kutya omalinyengo oimuna aishe oyo i na omakondo moitukulwa ishe yoshilongo okwa kalekwa manga.

Engabeko eli ola shiivifwa meendelelo konima eshi oshikondo sha didilika omukifi wekondo nelaka wa tukuka moimuna moshitukulwa sha!Kharas.

Oimuna tai tongwa ongaashi oyo hai eta oyuuyemo moshilongo okulandifa ombelela kondje yoshilongo ngaashi: eengobe, oikombo needi.

Nonande ihai eta naana oyuuyemo moshilongo yo kaina ongushu ngaashi ikwao, nayo oya kwatelwa mo moikwamakondo ngaashi, eenghambe osho yo eendongi.

Omukulunhu woshikondo shomayakulo oimuna Dr Kenneth Shoombe okwa yelifa kutya fiyo onghela, moshitukulwa sha!Kharas omwa didilikwa eengobe da fika po63 odo tadi ulike omadidiliko omukifi wekondo nelaka.

“Moimuna tai hol o l a omadidiliko omukifi wekondo nelaka omwa konakonwa oimuna ili o11, omo 10 da monikwa omukifi wekondo nelaka,” Shoombe ta holola ngaho.

Okatendo kotete ko2011 koundjolowele woimuna oka holola kutya omalinyengo oimuna aishe i na omakondo osho yo oilyo yayo moshilongo ohaa ngabekwa manga ngeenge omukifi wekondo nelaka wa didilikwa.

Shoombe okwa fatulula ta ti ouministeli noshikondo shoimuna owa landula okatendo aka okungabeka omalinyengo, elandifo loimuna i na omakondo ile oilyo yao moshilongo ile kondje yoshilongo.

Okwa twikila kutya engeshefo loimuna aishe i na omakondo nalo ola ngabekwa manga osho yo okulandifa ombelela yoinamwenyo aishe i na omakondo kondje yoshilongo okudilila koutomeno nosho tuu.

“Omakonakono nopolifi otai ka kwashilipaleka kutya oya tula aishe moilonga meendjila opo ku talwe ngeenge ovanhu ova humbata ombelela opo etandavelo lomukifi o u li kondekwe nokufindwa manga pepi,” ta holola ngaho.

Opolifi natango otai ka fya oshisho kutya emataulukilo oimuna pokati koitukulwa noitukulwa nao otaa ka ngabekwa manga.

Shoombe okwa yelifa kutya omukifi wekondo nelaka oo omukifi umwe wa nyika oshiponga wo vali ohau tandavele tau endelele.

Okwa ti ngeenge oshimuna sha kwatwa komufiki o u, oha shi tameke tashi ulike omadidiliko ngaashi oipute unene komulungu, meni lokanyana osho yo komakondo.

Okwa ti oshimuna ngeenge sha kwatwa komufi ou, ohashi kala tashi ulike omanganga ina shi hala okuenda, otashi di oluyeye komulungu.

Ta ti oshimuna ngeenge osha hangika tashi nyamifa, natango omashini asho ohaa shuna pedu molwa omukifi o u.

“Oimuna ngaashi yomomaumbo oto hange we li hanena meengobe, oikombo, eedi osho yo oingulu,” ta holola.

Ovanafaalama otava indilwa va lopote keshe edidiliko ta li ulike omukifi wekondo nelaka moimuna yavo meendelelo.

Ovanafaaalama natango ova indilwa va ha lande osho yo okuvenda oimuna yavo neevenda domukifi wekondo nelaka shaashi kashi li paveta.

*-taimihaihambo2000@gmail.com *

n **Festus Hamalwa **

RUACANA- Ounona va dja momuhoko woshiwana shi li konima yefiya itava ka hongelwa vali mokabashu molwaashi paife otava tungilwa eengulufikola kehangano loRossing Foundation.

Of i kolo ot ai tung wa momukunda Otjimanangombe moshikandjohoololo shaRuacana, moshitukulwa shaMusati.

Eehangano loRossing Foundation olo limwe la shiivika nawa ta li dana onghandangala yakula okuyambidida eefikola moshilongo.

Etitatu, omupedupresidente Lucia Witbooi okwa patulula pambelewa oilonga yokutunga ofikola ei.

O f i ko la oy a lu k i lwa omupedupresidente Lucia Witbooi, ye oye ta kala kahewa kofikola ei.

Witbooi okwa ti pandula ehangano loRossing Foundation eshi ta li twikile okuyambidida eefikola moshilongo nelalakano lokushaleneka epangelo ondjilakati.

Okwa ti osha fimana ngeenge

The post Omalinyengo oikwamakondo shilindi manga… omukifi wekondo nelaka wa tukuka mo!Kharas appeared first on New Era.