Musipili haisali katulo yalifu

Mushimani walilimo zelishumi kazepeli yanatokwa likalafo zaputako natimezi hanalibelezi kulongiwa kuzuswa mwaKatima Mulilo kuya kwaWindoko, yeñwi yaliziezi zetisize kuli fa naha Namibia ibe ni fulai yapili yeluwilwe ki mubuso yelonga bakuli.

Lifu lamushimani, kulatelelwa cwalo ni mafu abakuli bane basakonwi kulongiwa kapilipili kasamulaho kozi yafamukwakwa mwamukwakwa waOtjiwarongo, lipatulula tiyeho mwalikalafo zaputako mwanaha Namibia.

Likwambuyu wamakete Esperance Luvindao nahupulisize kupuzo yemaswe yeo Labulalu naha haizibahaza fulai yapili yasipatela yelonga bakuli. Taba yelela kufukuza nako yebanani kunga babakula hahulu ni babaholofezi kuya kwalipatela zelukela.

“Kabumai, kalihola zamapakela alizazi lelitatama, nalizezwa kuli mwanana yo walilimo zelishumi kazepeli utimezi,” nekubulezi Luvindao, hanahupuzi wakuli kuzwelela kwaKatima Mulilo.

“Neili taba yeloba pilu. Kakuli neni lemuhile kuli bupilo bwamwanana buile,” nabulezi. Likwambuyu kozi yeñwi ne ezahezi mwakweli yaLungu 2026, kasamulaho kozi yafamukwakwa nesiile bakuli bane batokwa kuiswa kwa Windoko kaputako.

“Kabumai, taba yeo nesakonhali mi nebatimezi,” nabulezi. Naize zeo ki zazewñwi zene sundile likolo kubata litatululo zekona kupulsa bupilo habanze balela kuyaha lipatela zeñata.

Zibahazo yene hatisizwe ki Mubakweli Mueteleli waNaha, ilela kualabela kwalitokwahalo zamakete zaputako sihulu mwalibaka zeli kwahule zenga lihola zeñata kuya kwalipatela zetuna. Witbooi naize mulelo ki kubona kuli kupulusa bupilo bwabatu hakuswaneli kuitinga kuli bapila mwasibaka mañi.

“Hakuna muyahi wanaha Namibia yaswanela kulatehelwa ki bupilo bwahae kakuli uinzi kwahule ni sipatela,” nabulezi.

Luvindao naize bakuli babatokwa likalafo zeketahani zabutokwa ki bona babakana bababapili kufiwa lisebelezo zeo, ni bao babaeza kuli kuzamaya kanzila yamukwakwa kukona kutepeleza mayemo abona.

Naize mulelo utokwa swalisano mwahala mutayi wamakete, bababona zanzila yamwambyumbyulu, baba alabela kwalitaba zaputako ni bababona zasilelezo.

The post Musipili haisali katulo yalifu appeared first on New Era.