A mono ekwatho lyeshina lyokuhondja konima yomimvo 13

Victoria Immanuel

OSHAKATI- Omukiintu gwomimvo dhopokati okwa ti, okwa lili omahodhi gooyeneyene sho a thiki mombelewa yaNgoloneya gwaShana Hofni Iipinge opo a yambidhidhwe, sho a kala noku shunithwa ko omimvo 13, ta pula ekwatho lyokuyambidhidhwa neshina lyokuhondja.

Martha Mutewa okwa hokolola kutya okwa yambidhidhwa neshina lyokuhondja oshiwike shika, sho ngoloneya gwaShana eshi tu la miilonga muule wethimbo efupi omanga a kala ta kongo omakwatho, ihe kape na ngoka te mu yambidhidha.

“Onda li nda kanitha iilonga yandje mo2014, sho nda li ndaadhika po kuudhigu mboka itaau vulu okuyithandje we kiilonga. Sho onkalo ya hwepopala okwa li nda kala noku pula omayambidhidho okuza kombelewa yangoloneya opo ndi landelwe eshina lyoku hondja ndi tameke okulonga noonyala dhandje, ihe ine mona eyakulo,” ta hokolola ngaaka.

Ta ti, oshoka onkalo ndyoka eli muyo oya pumbwa eyakulo lyoshimaliwa, okwa kala noku indila omakwatho goku landelwa eshina opo a kale ta mono iiyemo yoku mu yambidhidha. Mutewa okwa ti,okuza omimvo adhihe dhoka, oshiwike shika opo ashike a yamukulwa sho a thikama noku ka lilila ngoloneya Iipinge, ete mu hokololele shoka a kala nokukondjitha. “Nena onda mona eshina lyandje, onduuvite nawa. Onda pewa ongombe nomahini gayo. Otandi ka kanda ndiitula mo opo ndi paluthe aakwanezimo yandje,” ta popi ngaaka.

Ta ti, sho ta popi ngiika okwa mona nale ohango ndyoka ta hondjo omasiku ngaka.

Ngoleneya gwaShana Iipinge okwa ti okwa yambidhidha ngaaka oshoka okwa dhidhilike onkalo nompumbwe eli mu yo.

“Elalakano okuyambidhidha oshigwana, sho shi vule wo okuhupa nokuyambindidha aakwanezimo ye,” ta ti ngaaka

Iipinge okwa ti ota tsikile okuyambidhidha oshigwana mpoka ta vulu nokuhumitha oshitopolwa shaShana komeho.

-vkaapanda@nepc.com.na

The post A mono ekwatho lyeshina lyokuhondja konima yomimvo 13 appeared first on New Era.