107 Jaar oue boere koöperasie wat R18,56 miljoen per dag omset maak

BKB is ’n 107 jaar oue Suid-Afrikaanse landboureus wat in sy jongste finansiële jaar R6,77 miljard omset behaal het. Dit kom neer op R18,56 miljoen per dag, terwyl die maatskappy R131,88 miljoen wins gemaak het – of R361 309,59 per dag. Anders as die meeste groot maatskappye is BKB nie privaat besit of op die Johannesburgse Effektebeurs genoteer nie, maar wel op die Kaapstadse Effektebeurs.

Die maatskappy het sy oorsprong in drie wolkoöperasies wat vroeg in die 1900’s gestig is: die Farmers’ Co-operative Wool and Produce Union in 1919, Boere-Saamwerk Beperk in 1920 en die Ko-operatiewe Wolmaatskappy in 1927. Hierdie drie entiteite het in 1975 saamgesmelt om BKB te vorm.

In die daaropvolgende jare het die groep sterk gediversifiseer na lewendehawe-bemarking, graanhandel, eiendomsverkope en finansiële dienste, en is dit in 2022 op die Kaapstadse Effektebeurs genoteer. Na swaar uitdagings tydens die Covid-19-pandemie, insluitend inperkings, bek-en-klouseer en lae lewendehawepryse, het BKB drasties herstruktureer.

Nie-kernbedrywighede is afgestoot en die maatskappy is vaartbelyn gemaak. Die resultaat is ’n sterk herstel: in 2025 het wins met 51,1% gestyg, die skuldvlak tot ’n rekordlaagtepunt van 35% gedaal, en die direksie het ’n rekorddividend van 50 sent per aandeel verklaar.

(OBH)