ONDANDWA- Helen Andreas a shiivika nawa Nuutoye okwa pewa epapa onga omupopidingi koradio womudo 2026. Okwa pewa epapa Olomakaya kOndangwa koshindingili sha unganeka kOngoma Music Annual awards 2026. Mee Nuutoye oye unwe a popi nawa nokuli a wilike eeprograma tadi longo oshiwana. Ngeenge owa hange mee Nuutoye ta popi koradio ta lesha etumwalaka loipindi ouna... The post Mee Nuutoye a pewa epapa lomupopidingi koradio appeared first on New Era .
ONDANDWA- Helen Andreas a shiivika nawa Nuutoye okwa pewa epapa onga omupopidingi koradio womudo 2026.
Okwa pewa epapa Olomakaya kOndangwa koshindingili sha unganeka kOngoma Music Annual awards 2026.
Mee Nuutoye oye unwe a popi nawa nokuli a wilike eeprograma tadi longo oshiwana.
Ngeenge owa hange mee Nuutoye ta popi koradio ta lesha etumwalaka loipindi ouna okuufuka nena.
Oha popi oshindonga sha tova shina elaka loovene.
Eifku tuu, ovashikingalo va yooloka ova pewa omapapa molwoilonga iwa tava longo okumwenyeka oshiwana.
Oshiwana okwa li sha pewa omhito yokuhoolola ovashikingalo osho yo ova popi vokeeradio tashi pitile mokutuma omatumwala okongodi.
Omunhu ou a findana oye a mona omwaalu muhapu wovanhu eshi a hoololwa. Mee Nuutoye okwa ti okuudite etumba okukala a pewa epapa e li shaashi ota li yandje efimano linene moilonga yaye.
“Onda hafa unene okukala nda pewa epapa e li. Epapa eli ota li ulike kutya oshiwana mboli oha shi pwilikine eeprograma dange koradio,” ta ti.
Okwa ti eshi otashi mu tu omukumo wokulonga nondjungu osho yo okafimaneka oilonga yaye.
Mee Nuutoye okwa ti okwa tameka okulonga koradio omudo 2013.
“Onda tameka ohandi lesha eenghundana osho yo okuwilika eeprograma da yooloka,” ta ti.
Okwa ti paife oku li ta wilike programa ya shiivika nawa Penduka no Shipi FM.
Okwa weda po ta ti oprograma ei oha tameke efimbo longula.
“ Programa ei oya fimana shaashi noi holike unene kovanyasha shaashi oha pewa omhito yokudenga ile okuyandja omaliudo osho yo okutopolafana omayele,” ta ti.
Mee Nuutoye okwa pandula aveshe ovo va kufa ombinga omuhoolola shaashi ngeno ka vali po ngeno ina mona omhito yokufindana.
“Oshiwana na shi twikile okupwilikina oradio yo Shipi FM molwaashi oradio tai longo, tai kundanake okumwenyeka oshiwana,” ta ti.
Okwa ti Shipi FM okuna ovanailonga va pyokoka tava longo nokutuma omai momhepo.
*-fhamalwa@nepc.com.na *
The post Mee Nuutoye a pewa epapa lomupopidingi koradio appeared first on New Era.
Follow the story
