J-Jay Nampeto enyakwa mokushika okaxumba

Jason Uusiku a shivika nawa J-Jay Nampeto oye umwe e li enyakwa konooli mokushika okaxumba nelalakano lokumwenyeka ovanhu koivilo yeefya osho yo komalongelokalunga.

Okwa ti ye oshiima sha kula ngeenge tashi ya pokushika okaxumba molwaashi ovanhu ove hole okumu pwilikina ngeenge ta imbi.

Okwa ti paife otashi ki okaxumba oule weedula hamano.

“Ohandi denge okaxumba poivilo ngaashi omafudiko, omaxupulifo nosho tuu,” ta ti.

Okwa hokolola ta ti ngeenge owa hange ta shiki okaxumba yee ta imbi eimbilo, ovanhu aveshe ve li poshivilo opo oku ye ashike va pwilikina.

“Ame ekoma la kula ngeenge tashi ya pokudenga okaxumba. Onda pewa ounongo wange kuKalunga,” ta ti.

J-Jay Nampeto okwa ti oha shiki okaxumba koitukulwa ya yooloka monooli noha fiki pefimbo ngeenge a dengelwa ongodi.

Okwa ti okuudite etumba okulongifa ounongo waye okudenga okaxumba nokuimba.

Omunyasha ou okwa ti okwe li honga okushika nokwa li elitula mo meetundi daye fiyo ta mono ounongo.

“Osha fimana ngeenge omunhu ta longifa ounongo waye tashi pitile mokushika okaxumba,” ta ti.

Okwa weda po ta ti oilonga yokushika okaxumba oiwa shaashi omunhu oha dulu okulilongela oshimaliwa shaye mwene.

“Okaxumba paife oha ka longifwa koivilo yeefya. Oka fimana shaashi a ka mwenyeke oshivilo nomaimbilo unene tuu pefimbo ovanhu va nyika oluhodi,” ta ti.

J-jay Nampeto okwa ti natango osha fimana ovanhu ngeenge ove li hange ve li moshilemo shilaula sholuhodi opo va kwashipaleke kutya ova eta okaxumba.

“Okaxumba oha ka hekeleke ovalilifya tashi pitile momaimmbilo taa imbwa,” ta ti.

Ota monika konomola yaye yongodi 0814836400, kouyelele wa wedwa po kombinga yokaxumba.

–fhamalwa@nepc.com.na

The post J-Jay Nampeto enyakwa mokushika okaxumba appeared first on New Era.