ONGWEDIVA- Lasarus Rossy Nakanyala a shiivifika nawa Congaz okwa ti naye okwa nhukila mondabo okushika eengalo doKwaito, mwa kwatelwa omaimbilo opamhepo.

Eengalo edi odi holike unene kovanyasha nodina etumwalaka ta li tungu oshiwana.

Okwa ti okwa tameka okuimba eengalo momudo 2016, onghee oku na omukumo wokuenda ta xumukomesho.

Congaz okwa yelifa kutya omudo oo opo a tameke okushiaka eengalo okwa hangika ashike opo a mane ondodo 12. “Onda hala okulongifa omaano ounongo wange okuimba,” ta ti. Omunyasha ou okwa ti oha kala e udite ombili ngeenge e li komesho yovanhu ta shiki eengalo.

“Okudja ashike kounona okwa li ndi hole okupwilikina eengalo doKwaito naashi osha eta opo ndi longife ounongo wange okuimba eengalo,” ta ti.

Okwa weda po ta ti pefimbo kwa li e na eedula 12 okwa kala alushe e hole okupwilikina eengalo da nakufya tate Kwela, Brenda Fassie osho shi li she mutwa omukumo opo a dule okukala omushingalo.

“Natango onda kala ndi hole okupwilikina omaimbilo opamhepo naashi osha hongange shihapu kutya mboli osha fimana ngeenge omunhu ta longifa ounongo waye nokukala e na omukumo,” ta ti.

Okwa ti okwa shika ongalo yedina “Omusitwa” sha hala kutya keshe omunhu okwa shitwa kuKalunga, ye okwa fimana nokwa amenwa kuKalunga ngaashi naana ovanhu aveshe. Congaz okwa weda po ta ti natango okwa shika eimbilo lopamhepo ta li ti “Omwenyo” eimbilo e li ola shikwa okudja meendjovo edi kufa mombiibeli odo dina etumwalaka loku twa ovanhu omukumo.

“Eengalo odo da shika osho yo omaimbilo ota di yandje ehongo kovanhu opo va kale ve li neekela Kalunga nokukala tava ilikana ngeenge ve li hange momaudjuu,” ta ti. Congaz okwa ti okwa taalela omashongo oshimaliwa shokulongifa ngeenge ta pitifa eengalo dipe. “Oshiwana ngeenge sha hala okumwenyekwa koivilo yavo nashi kwatafane naame kongodi yange 0816372781, opo ndi dule okufika diva,” ta ti.

Okwa kumaida ovanyasha ve li momaumbo opo va longife ounongo wavo shaashi osha fimana.

– fhamalwa@nepc.com.na

The post Congaz a nhukila kembako okumwenyeka oshiwana appeared first on New Era.