Yaali ya hulitha moshiponga shomulilo

Omukwanambwiyu gomumati gwomimvo hamano osho wo okamati komimvo hamano oya hulitha omanga yane yeli monkalo ombwiinayi sho ya pile megumbo okupendukila Etine.

Omukuluntu gwopolosi moshitopolwa shaMusati Ismael Basson okwa ti oshiningwanima osha holoka lwopotundi 02h00 mOshikuku moshitopolwa shaMusati.

Otaku hokololwa kutya mboka ya falwa koshipangelo oya li ya tuminwa koshipangelo oshinene shaShakati omolwa unene wuuwehame.

Basson okwa ti shoka sha eta omulilo ina shi tseyika natango.

Otaku hokololwa kutya mboka yeli koshipangelo omukulukadhi mwene gwegumbo osho wo aanona moka mwakwatelwa omukwanambiyu gumwe.

Mwaamboka ya hupu omuna aanona aakuluntu haya yi kosikola.

Egumbo anuwa olya pya po thiluthilu, ina mu hupa sha.

Sha ikolela ku gumwe a li poshiningwanima mpoka okwa ti aantu oya mona iihuna komulilo, omalutu oga pya.

Opolisi oya kala noku kumagidha oshigwana opo shi kwate nawa kehe shoka hashi vulu okueta omulilo osho wo okukwashilipaleka kehe shimwe osha dhima thiluthilu.

Ethimbo ndika okuna ombepo, omililo odhindji tadhi holoka ihadhi shuwika mpoka tadhi zi onkene osha simana okukwashilipaleka mpoka tagu zi.

[email protected]

The post Yaali ya hulitha moshiponga shomulilo appeared first on New Era.