Abraham Mwanyekange

Edingonoko la xuuninwa lekopi lo Namibia Football Association (NFA) ota li ka kala ko mexuliloshivike.

Keshe ongudu yokatanga kokeemadi koomeme nootate oyo ye shi endifa nawa mexuuliloshivike oyi shi nale kutya ota i ka dana nalye mexuliloshivike eli.

Koudano wokatanga kokeemadi kootate King Kauluma Palace okwa denga mo Mighty Gunners omanga Unam a denga mo Okahandja.

Oudano pokati ko KK Palace no Mighty Gunners owe li fiya ofika mokapale nola mo nola.

Espaana dopavali oda kondjifa opo di kelele oku ka twikinika ashike kapa li ospaana ya hala oku tulwa okoola nomokapale ove li fiya ofika.

KK Palace oya ka findana po oudano kokutwikinika nhano domu nhatu. Okamati aka dana mokati kokapale ko KK Thabang Setati oko katulamo etanga la KK lahuuninwa kokutwikinika koo taka tumu Palace kedingonoko la hauxuninwa oshikando shotete konima yeedula natu.

KK otaka taalela Unam FC nedina lashiivika nawa Clever boys. Unam okwa dengamo Okahandja United imwe yomonola. Okoola ya Unam oya tulwamo ku Eduardo Namib. Clever boys oveshi endifa nawa mekopi la NFA tava tungile kwaasho vadja naasho kekopi lo Standard bank Top 8 oko kwa li natango vaxuulila kedingonoko laxuuninwa. Paife ota va ka tala ngeenge tava ka dengamo KK vafindana ekopi lavo lotete neudo.

Kokatanga kokeemadi koomeme Leena Alweendo okwa tulamo omatanga avali oku tala Gunners kedingonoko laxuuninwa lekopi la NFA omanga Nampol naye a findanapo oudano waye.

Mighty Gunners Ladies oyadengamo Windhoek city nhee domonola. Leena Alweendo okwa tulamo omatanga avali, limwe opetameko lela loudano nalikwao okudja pokafudepo. Viola Vliete naye okwa tulamo medingonoko etivali nokoola online yefiku oyatulwa komunamido 18 Meriam Michael.

Oukadona vo Khomas Nampol ova dengamo Julinho Atheletics mbali monola. Ovapolifi ova dana tavakelele nawa konima voo tava longifa eemito davo dokutulamo. Paife Nampol ota ka shakena na Gunners Ladies kedingonoko laxuuninwa.

Omaudano edingonoko la xuuninwa oku liko moshivike eshi. NFA ina tumbula natango kutya omaudano otaa ka danenwa kokapale kelipi komaudano moshilongo.

-amwanyekange@nepc.com.na

The post Edingonoko la xuuninwa loNFA mexuliloshivike appeared first on New Era.