Oudano wokomudo wa enda nawa mexuliloshivike kOmunyekadi

**Hambeleleni Daniel **

Omunyekadi- Oudano wokatanga kokemhadi ou kwa li wa unganekwa mexuliloshivike kovakalimo vo mOnyekadi owa enda nawa.

Omunganeki woudano Jeremiah Kandume okwa ti elalakano loudano ou oku eta ovanhu pamwe vo vadule oku hafela pamwe oshoyo oku kufa ovanyasha peenhele domanwino.

Eespana di dulife po14 okwa li da kufa ombinga moudano ou.

Ovanyasha, ounona ovakulunhu oshoyo oshiwana ashishe shomomunyekadi nokondje yomukunda okwa li sha holoka nehafo, oku tala noku kufa ombinga moudano ou.

Kandume okwa ti elalakano loku yadja eembadi nomakopi okuxwaxwameka oshiwana opo shi kale shina ohokwe moudano wokatanga kokemandi.

Natango okwa ti oudano owafimana molwaashi ohau kaleke po olutu lomunhu li na oukolele tashi pitile mokuninga omadeo nosho o eshi ta va dana okatanga.

Okwa ti okwa li va tengeneka omwaalu wesipana dili o10 dili shangife ashike omwaalu owa ka pitilila. Kandume okwa ti oku kovakwashiwana momwaalu uhapu osho edidiliko kutya oshiwana oshina natango ohokwe youdano wokatanga.

Osipana ei yaya nekopi oyo Oilyateko FC ta ku shikula J&H Omunyekadi FC, takuya Golden Rolles FC nosipana itinhe oyo 11 Brother FC

Omanga odani ou a venapo ekopi lokutulamo eekola di hapu oye Tetekela adja ko sipana yoGolden Rolles FC.

Taku shikula Tonna, o avenapo ekopi lomudanauki dingi. Tonna okwa yambukile kosipana Oilyateko omanga Gakpo oko sipana Oilyateko avenapo epapa lyomukwati we tanga dingi.

Umwe womovalandifi womomukunda Omunyekandi Natanael Nghilundwa okwa ti okwa pandula unene koudano ou.

“Onda kufilako ovaunganeki voudano ou embale eshi vetupa omhito ei opo tulandife oila ndifomwa yetu. Omo twe li monenamo shihapu shomodjato,” Natanael ta holola olupandu.

Kandume okwa ti eshi osho oshikando shotete mOmunyekandi tamukala oudano ou.

“Kakwa li nda telela oudano ou ukale una eesipana adishe edi molwaashi eshi okwa li ashike ngeno oma lolelo ndele ounyuni aushe owa holoka,” Kandume ta yelifa.

Okwa ti modula tai natango oudano oko uli ashike vati poshitafula ota pakakala oshimaliwa shanana.

*[email protected] *

The post Oudano wokomudo wa enda nawa mexuliloshivike kOmunyekadi appeared first on New Era.