Wandunde kembako oko eli natango

**Hambeleleni Daniel **

Omushikingalo David Nghuumbwanumbi a shivika nawa nedina lokembako ‘Wandunde’ a yambukile komukunda Eengava moshitukulwa shaHangwena okwa ti oha imbi eengalo tadi kufa ovanhu koipundi nelalakano okutwa oshiwana shokomongula omukumo.

Okwa ti okwa tameka okushika eengalo momudo 2020 eshi a pitifa okangalo kaye ko tete ta kati “Nashiipele”.

Nghuumbwanumbi mo2020 okwa tameka oku longa oalbum yaye yo tete yedina “Olwoodi lange,” nopaife oku li natango ta longo album ipe oyo ta iti “Eewa Tuu”.

Okwa ti fimbo opo teya mowela okwa kala ehole oku mwenyeka meefikola oshoyo momudingonoko osho shemukulika fiyo opapa eli nena.

Paife enwefo laye lokushika eengalo okwe li kufa kovashikingalo vakula mowela ngashi Young T, na D-Kadjafa.

Nghuumbwanumbi okwa ti oha imbi oungalo vomaludi ahapu ngaashi Shambo, neekwaito, neengalo da da Shambo ohe di imbi omolwaashi oku dihole noha doo vali ohadi wapalele ewi laye.

Okwa twikila oshinima shimwe sha kala noku mu twa omukumo oku ufanwa koitufi opo aka mwenyeke ngaashi eshiningilwa kovakwateli komesho moipindi yaHelao Nafindi oyo ya liko neudo.

olweendo lwaye lwoku tameka okwiimba eengalo ka kwali lipu omolwa omumbwe yoshimaliwa oyo ya taalela ovashiki ngalo vahapu.

Okwa holola kutya ohava longo noudjuu opo va kale va futa eestudio va ningile mo eengalo davo nouvidio osho yo okulandifa.

Okwa ti oungalo vaye otava hangika komalungula ngaashi ko Tiktok, Facebook, youTube noko Instagram opo ovanhu ve va mone vo va dule okushikula oungalo vaye.

Okwa wedapo yoo kutya eengalo daye oda nhuninwa ovanhu vopomudingonoko waye, ovakwanedimo nounona oshoyo ovakulunhu osheshi ohadi yandje ehafo nombili kovakwashiwana.

Natango okwa ti okwa hala oku pitifa oungalo vahapu oshoyo oku kufa ombinga povilo ihapu opo adule oku shiivika kovanhu vahapu.

“Onda hala oku longa noudiinini opo eengalo dange diye nokodje yoshilongo,” Wandunde ta ti.

Okwa ti konima yeedula nano oku li wete tashiki eengalo pamwe novashiki ngalo vakula vomu Africa tamwenyeke poivilo yakula ngaashi po Windhoek Jazz Festival osho yo okumwenyeka kodje yoshilongo.

*[email protected] *

The post Wandunde kembako oko eli natango appeared first on New Era.