Ovahendekwa va Tjomuru vaherurire omutwaro wawo kOperesidenda Yokehi

Oviwaņa ovihendekwa mo Tjomuru mOrukondua rwa Kunene ma ve ningirire ohoromnde oku ve utira novyungura, tjinene nene mo tutumbo no vi kunwa no u Þuta wo vinamwinyo ve yenene oku ri ungurira ovikurya vyao oveni no ku hara otuveze two viungura.

Ouņepo wo tjiwaņa wa vanga nao na ve tjivisa Operesidenda yOkehi Lucia Witbooi nao eye tja hakayenene nawo otjiveke tji tja zuko. Ma vetja oembo indi “ovahendekwa” nga ri ute oku hara ombwiro tjimuna oviungura vyo mekurisiro na harire ombatero yovikurya uriri.

Otjiveke tji tja zuko Witbooi wa ka ryangerere ondanmda y ova hendekwa mOrukondua rwa Kunene oku ka tjiwa omatokero wawo no ku kazuva ozongendo zawo.

Ozondjombo tjiva ndena omeva womongwa; ozondjira ozombi; ozomberoo zohoromende nÿeri kokure; oku hina oviungura; ovanane mbe ha vaza kuwo no ku hina kuyenena kotutu tjiva tutu muna ombatero yotjimariva okuza komberoo yoperesidenda itjiva zozondjemeno oviwana mbi vya yandjere kOperesidenda yOkehi.

Uerieta Efraim wa Tjihandjasemo watjere ovyungura vyo tutumbo novikunwa oomwano umwe wo ngwizikiro yovikurya moviwaņa vyao. “Mavi yenene okutwapo ovyungura no ku yandjera omitanda oku kara norupa mo tutumbo novikunwa,” matja.

Napambarere kokutja oviwana ovihendekwa tjingetjo mavi yenene okunana ovyungura vyo tutumbo novikunwa. Matja vena ehi nda yenene kovyungura mbya sana ingo.

Ngatukumbe Murumbua matja ohepero ohoromende oku vevatera no u Þuta wovinamwinyo tjinga ama vevanga oku kondjera mo u Þuta. Nu wina a ningire kutja ondjira ya Opuwo-Okanguati i pwisiwe.

UahokuÞa Tjiumbua matja ovanatje vawo wina vemuna omatokero mena rokutja otutu tjiva katuvaterwa iyohoromende notjimariva. “Tuna ovanatje mbevanga oku kerihonga kotutu karive, po siya ka tu vaterwa notjimariva iyohoromende. Kanawa,” matja.

The post Ovahendekwa va Tjomuru vaherurire omutwaro wawo kOperesidenda Yokehi appeared first on New Era.