Tava tungilwa ofikola koRossing Foundation

Shoombe okwa yelifa kutya omukifi wekondo nelaka oo omukifi umwe wa nyika oshiponga wo vali ohau tandavele tau endelele.

Okwa ti ngeenge oshimuna sha kwatwa komufiki o u, oha shi tameke tashi ulike omadidiliko ngaashi oipute unene komulungu, meni lokanyana osho yo komakondo.

Okwa ti oshimuna ngeenge sha kwatwa komufi ou, ohashi kala tashi ulike omanganga ina shi hala okuenda, otashi di oluyeye komulungu.

Ta ti oshimuna ngeenge osha hangika tashi nyamifa, natango omashini asho ohaa shuna pedu molwa omukifi o u.

“Oimuna ngaashi yomomaumbo oto hange we li hanena meengobe, oikombo, eedi osho yo oingulu,” ta holola.

Ovanafaalama otava indilwa va lopote keshe edidiliko ta li ulike omukifi wekondo nelaka moimuna yavo meendelelo.

Ovanafaaalama natango ova indilwa va ha lande osho yo okuvenda oimuna yavo neevenda domukifi wekondo nelaka shaashi kashi li paveta.

*-taimihaihambo2000@gmail.com *

**Tava tungilwa ofikola koRossing Foundation **

**Festus Hamalwa **

RUACANA- Ounona va dja momuhoko woshiwana shi li konima yefiya itava ka hongelwa vali mokabashu molwaashi paife otava tungilwa eengulufikola kehangano loRossing Foundation.

Of i kolo ot ai tung wa momukunda Otjimanangombe moshikandjohoololo shaRuacana, moshitukulwa shaMusati.

Eehangano loRossing Foundation olo limwe la shiivika nawa ta li dana onghandangala yakula okuyambidida eefikola moshilongo.

Etitatu, omupedupresidente Lucia Witbooi okwa patulula pambelewa oilonga yokutunga ofikola ei.

O f i ko la oy a lu k i lwa omupedupresidente Lucia Witbooi, ye oye ta kala kahewa kofikola ei.

Witbooi okwa ti pandula ehangano loRossing Foundation eshi ta li twikile okuyambidida eefikola moshilongo nelalakano lokushaleneka epangelo ondjilakati.

Okwa ti osha fimana ngeenge ounona tava i kofikola okuhongwa okulesha, okushanga osho yo okuvalula.

“Ovadali nava tume ounona keefikola. Ovadali nava kufeko ehongo nava kale ve na eudeko lefimano lehongo,” ta ti.

Omupedupresidente okwa ti Namibia ota kwashipaleke kutya okaana keshe okaNamibia oka mona omhito yokuya kofikola.

“Itashi ti kutya ngeenge okaana kadja momuhoko woshiwana shi li konima yefiya ina kaya kofikola. Ounona aveshe nava tumwe keefikola ndele tava pewa ounongo,” ta ti.

Okwa ti ngeenge omunafikola a hongwa nena ota ningi omuleli wokumongula ile omunashilonga meifano la yooloka.

“Komesho yeedula dokomesho onda hala omukomona ouvanhu va dja momudingonoko ou va ninga ovapangi, ovahongifikola, eendokotola nosho tuu,” ta ti.

Efiku tuu olo, ounona okwa li vahafa ve udite etumba eshi tava pewa ouleke komupedupresidente molwaashi ina ve shi ningilwa nale.

Omunambel ewa nokul i omupopiliko wehangano loRossing Foundation, Laina Hakweenda okwa ti ofikola ei otai kala ya pwa okutunga momwedi Novomba neudo.

Okwa ti ofikola otai tungwa ina eengufikola mbali, okombifa yokutelekela, ombelewa osho yo oundjuwo.

“Natango ofikola otai tungwa ina etala lokulila ovanafikola. Ofikola otai tulwa oluumbo lodalate nelalakano lokulakepo eameno lounona,” ta ti.

Hakweenda okwa ti pefimbo ofikola tai tungwa ovanhu vahetatu va dja momudingonoko Otjimanangombe otava ka kutwa okukala tava longo nelalakano lokumoa okamaliwa kavo.

“Ngeenge ofikola oya pu okutunga ota pa kakutwa ovanailonga vatano,”ta ti.

Natango, Hakweenda okwa popya ta ti ehangano lavo ota li ka tungulula omboola yomeva ili momukunda tuu omo.

*-fhamalwa@nepc.com.na *

The post Tava tungilwa ofikola koRossing Foundation appeared first on New Era.