NamWater a wapaleka omeva moRehoboth

Ehangano lo NamWater ola holola kutya omeva modoolopa ya Rehoboth moshitukulwa shaHardap oo a ninga efimbo taa tangunwa kovakwashiwana okwa wapalekwa paife.

Ehangano ola holola kutya ola lundulula ongushu yomeva modoolopa.

Otaku hokololwa odoolopa yaRehoboth ya kala noupyakadi womeva oule wefimbo oo fimbo limwe haa ti po xwepo. Omafano nouvidio va andjakana komalungula, otaa ulike omeva amwe ma shunga omanga amwe u wetele mo ekako loovene.

Omupopiliko waNamWater Lot Ndamanonhata okwa kwashilipaleka kutya oupyakadi ou owa kandulwa po momukanda oo a pitifa Etitatu.

Ndamanomhata okwa yelifa kutya omangenete oo

ha kala momeva oo haa ata ekako momeva kake osho yo momamanya nomedu olo la dingonoko eedama.

Okwa fatulula ta ti omeva odula momilonga oo haa twala ekako eli meedama osho hashi eta oupyakadi mokuandjaneka omeva.

Okwa ti efimbo limwe omeva ohaa dulu okukala taa monika afa mayela ndele omanganete otae a ningi ma kale malula.

Okwa ti oupyakandi ou ohave u kandula po ashike ngeene tava longifa omiti da yooloka opo va kwashilipaleke nokutya omeva okwa yela notaa dulu okulongifwa kovakwashiwana.

Ndamonomhata okwa holola kutya NamWater oha wapaleke eedoloma dokungulula omeva osho yo mominino dokuandjaneka omeva.

Ndamanomhata okwa ti ova wapaleka omeva oikando ihapu mOanob osho yo Rehoboth noidjemo oya ulika kutya paife omeva oku li nawa.

Okwa ti natango NamWater otekeya po nomalunduloko amwe moule woivike ivali opo omeva a kale haa ende efimbo keshe.

*-hambelelenindaniel56@gmail.com *

The post NamWater a wapaleka omeva moRehoboth appeared first on New Era.