Water en krag beskikbaarheid knel die groei van datasentrums in SA

Opkomende markte soos Suid-Afrika kan die volgende groot dryfveer vir die groei van datasentrums word, met ’n ontwikkelingspyplyn wat byna twee keer so groot is as die huidige wêreldwye bedryfskapasiteit. Volgens ’n verslag van S&P Global is energie- en waterbeperkings egter sleutelrisiko’s vir hierdie groei.

Suid-Afrika is tans die grootste hub vir datasentrums in Afrika, maar die beskikbaarheid van krag beperk verdere uitbreiding ten spyte van sterk vraag en beleggingsbelangstelling. Die land se relatief lae waterweerstandigheid, veral weens waterstres in Johannesburg, Gauteng en ander gebiede, word as ’n besonder ernstige bekommernis uitgelig.

Burgerregtegroepe het reeds gevra dat die bou van verdere datasentrums gestaak word totdat die gebruik van skaars water, grond en elektrisiteit behoorlik ondersoek is. Hulle het ’n gesamentlike voorlegging aan die Suid-Afrikaanse Menseregtekommissie gerig oor die menslike, omgewings- en ekonomiese gevolge van die vinnig groeiende bedryf.

Alhoewel Suid-Afrika se elektrisiteitsopwekking die afgelope jare verbeter het en die jarelange beurtkrag beëindig is, sal die energiebehoeftes van datasentrums aanhou styg. Operateurs mag genoodsaak wees om gedesentraliseerde, modulêre energie-oplossings te gebruik wat die hoofnetwerk omseil, terwyl hulle ook plaaslike waterverbruik streng bestuur.

Sonder voldoende infrastruktuurgereedheid kan die belofte van groei in opkomende markte ongelyk verwesenlik word.

(OBH)