Hogaamiyaasha Eritrea, Soomaaliya, Suudaan iyo Masar oo maanta ka shiraya xaalada geeska Africa.

Madaxweynayaasha Masar, Eritrea, Soomaaliya iyo Suudaan ayaa Axadda, 4-ta Oktoobar 2026, kulan afar-geesood ah ku yeelanaya magaalada New Alamein ee waqooyiga Masar.

Madaxtooyada Masar ayaa sheegtay in kulanka uu qeyb ka yahay “wadatashi iyo isku-duwid ku saabsan arrimaha gobolka ee ay labada dhinac daneynayaan.”

Kulanka waxaa ka qeybgalaya Madaxweynaha Masar Cabdulfataax Al-Sisi, Madaxweynaha Eritrea Isaias Afwerki, Madaxweynaha Soomaaliya Xasan Sheekh Maxamuud iyo Guddoomiyaha Golaha Sare ee Suudaan Cabdulfataax Al-Burhaan.

Kulanka ayaa dhacaya xilli xiriirka Itoobiya iyo Eritrea uu xumaaday, halka Masar iyo Itoobiya ay sidoo kale is-weydaarsadeen diblomaasiyiin la eryay.

Dagaallo ayaa bishii Sebtembar dib uga qarxay Itoobiya, gaar ahaan waqooyiga dalka, iyadoo ciidamada federaalka Itoobiya ay dagaallo la galeen isbahaysi mucaarad ah oo uu hoggaaminayo TPLF. Dagaallada ayaa ku fiday qaybo ka mid ah Tigray iyo gobolka dariska la ah ee Canfarta.