Eendjila adishe koipindi ya Helao Nafidi nena

Oipindi ko Helao Nafidi ota i tameka nena fiyo omu 1 Novemba.

Ovakufimbinga ovadja ashike meni lodoolopa ya Helao Nafidi.

Selma Tulonga oo eli omunafikola kodoolopa yaMafo okwa ti yee neudo opo te li toto oku landifa noku kufa ombinga moipindi yatya ngaha.

Omanga ta holola ehafo lae, Tulonga okwa ti ye okwa kala ewete omafiku taa ende kashona aka shingife iinima ya e noku ka tala nghee hashi ende moipindi ya Helao Nafidi.

“Omadilaadilo aa twakala noku atula kumwe noo Kahewa kange efimbo lile, neongelo letu loshimaliwa shokulanda oilandifomwa ei ola tameka nale odula yadjako opo ashike tuhangike tweli longekida,” Tulonga ta hokolola.

Elelo lodolopa ya Helao Nafidi ola ti ovakufimbinga moipindi ei neudo unene ovadja ashike pomudingonoko o doolopa, nava hapu vomuvo eedalele daNgela, Omafo, Ohangwena oshoyo Oshikango.

Vistorina Shiwana omukalimo waNgela oo naye taka kufa ombinga okwa ti yee ina limbililwa naana unene kovalandi, shaashi Ovakufimbinga vahapu ovadja momudingonoko wavo, voo vali ova udaneka oku uya valande ovanhu vopeumbo.

Shiwana okwa twikila kutya ei oyo ashike omhito hava dulu oku kala vamona valandife nawa lela.

“Vahapu vomufye katuna naana omangeshefelo elifikamena konima yoipindi ei, nongeenge otwa udu oipindi ya Helao Nafidi ya etako omayulu she nashe otwa tondoka opo tudule oku kanyanga,” Shawana ta ti.

Anna Amakali omukalimo waShikango okwa ti ye neudo okwa lumba eli moAngola aka teka eestoka daye do i ladifomwa oyo yaufwa oku landifwa moNamibia.

“Ohandi pandula oushiindalongo eshi una ekwatafano liwa shaashi ngeno nghishi kutya ostoka yange neudo onde i hanga peni,” ta yelifa.

Okwa twikila kutya neudo noho ova pandula elelo doolopa laHelaoNafidi, eshi leli manga epaya mokuxumifa omafiku oipindi a kale a hapu.

“ Odula yadjako vahapu vomufye ka twali twa dula oku kufa ombinga shaashi omafiku oku shingifa okwa li anini neenghono,” Amakali ta yelifa.

Oipindi ei neudo natango otai kayandja yoo omhito yokumwenyeka kashikingalo, unene vomoshitukulwa shaHangwena ava opo taveya mowela.

*[email protected] *

The post Eendjila adishe koipindi ya Helao Nafidi nena appeared first on New Era.