Ophezulu Stinta Ukusetshenziswa kolimi Imbongi isebenzise isibabazo enkondlweni lapha isithi: Keph’ ukusola kwasekumilile. Konj amehlo akholwa ngokubona! Isibabazo lesi sigcizelela ukuthi imbongi yayisilutholile udaba lona kanye eyayingafisi ukuluzwisisa kodwa ke…
**Ophezulu Stinta **
Ukusetshenziswa kolimi
Imbongi isebenzise isibabazo enkondlweni lapha isithi:
Keph’ ukusola kwasekumilile.
Konj amehlo akholwa ngokubona!
Isibabazo lesi sigcizelela ukuthi imbongi yayisilutholile udaba lona kanye eyayingafisi ukuluzwisisa kodwa ke siyatsho isitsho sabadala ukuthi nxa umuntu engazange wayibona bhadla into ethile kubanzima ukuthi ayikholwe yikho nje kwakuqakathekile ukuthi ize ibone ngamehlo ayo ukuthi umbhalo ovela kusithandwa sakhe senhliziyo uthini, ngoba wathi esefunde ngamehlo kwalapho esetshela inhliziyo yakhe ukuthi wayesedilikelwe lizulu lakhe.
Ibuya njalo imbongi igcizelela ukuthi lokho yayingakulindelanga, yayingazimiselanga ukuthi singahlangana lodaba olunjalo:
Ngangingakulindelanga lokho!
Imbongi ibuye njalo yasebenzisa amazwi ahlakaniphileyo lapho isithi:
Okwakho lami kuma lapha
Lamazwi ayehlaba ngempela.
Sinanzelela amazwi athwele umkhonto sengathi ayagwaza kuzwele lasenhliziyweni, lapho imbongi, ngamazwi ayethwele ubuhlungu obukhulu, ubuhlungu lobuyana obuzwiwa ngumuntu nxa ehlatshwa yinto ebukhali.
Imbongi ibuye njalo yasebenzisa isifaniso:
Wona atshisa njengomlilo
Ngamazwi la awentombi yembongi efaniswa lomlilo otshisayo. Kutsho kwakungamazwi alamandla abuhlungu afaniswa lomlilo otshisayo, ayengatshiyi lutho olule mpilo, kodwa ayethwele ubuhlungu.
Kulokusetshenziswa kwesaga, esithi ithemba kalibulali. Lapha imbongi yayigcizelela indlela eyayisifake ithemba
layo lonke kulesi sithandwa sayo ukuthi ngabe ukuphela kwethemba kwakubulala yena ngabe vele wahle wafa, kodwa ke wasinda ngaleyondlela, ngelithi kalibulali.
Imizwa
Ekufundeni inkondlo le, kuqubuka imizwa yozwelo. Imbongi le ibilethemba elikhulu ingakhangelelanga okubi okungephula inhliziyo kodwa, ke yalahlekelwa lithemba ingalindele,ubuhlungu eyahlangana labo buqubula uzwelo
lokufisa ukuthi ngabe siyancengeka lesi sithandwa senhliziyo sincengelwe imbongi le.
Imbongi le ivusa imizwa ethoba inhliziyo. Phezu kobuhlungu esidlule kibo, iqhubeka ngenhliziyo yoxolo,
iyasixoelela isithandwa sayo, ibuye njalo isifisele okuhle kodwa. Kalanhliziyo yokuphindisela kodwa umfisela okuhle kodwa.
Follow the story
