Oku tunduuza ovize po vyo tutumbo novikunwa mehi noi ku tara komatokero ngeripo nai nga hungama ovaţuta vovikunwa, Oministera Ondenga, Elijah ngurare, wa tjivisa kokutja omeritiakaneno notjimariva nga tandwa oku yandja omasa kovaungure vovi kokotwa mouparanga wehi.
Kombunda yomatuiasaneno katji supi nozonganda ozokweye novaungure vovikokotwa, Ngurare matja ohoromende ya kwizike Ozondora za Namibia omangete o-40 okurandsa ovikokotwa osemba kovakweye oku tuurungira mo Agricultural Marketing and Trading Agency, ousupi OAMTA.
Otjimariva itji ma tji tuurungungisirwa mo Ministeri yOtjimariva nOyotutumbo nOvikunua otjo mukambo woku ziririra kozombandjarero zo kombunda yo ma kondero no kutja ovaţuta ve parurwe iyo zongondjero zavo.
Ovaţuta vo vi kokotwa va Namibia katjisupi omieze mbya kapita vakara no ma tokero omanene wo ku vasisa ovikondwa vyawo kotjitamba otji tikame tjomarandero, tjinene nene mena rokutja ro u ngundi wo ma kweyero oku weza onÿengu, ovi pwikiro mbii hiya handjauka mehi no ku hina ovihakaenise ovipwe pokati kovakune nozonganda zohoromende.
Ngunda ehi ama ri pambaha o me rikarekero novikurya okuza muro rini wo zo peresende o-80 oku kavaza ko 2030, oku hina orukute kumwe oru karerere rutjita kokutja ovikondwa vitanane nu vi moroke novaţuta mu nao vepandjare otjimariva tji tja sere okuhita.
Otukondua ohongora mo ku ungura ovikokotwa vina omatokero omanene wouhena wo vi kweye. Tjimuna Ozambesi ovatuta vo vi kokotwa mu varaisa omakondero omawa tjinene nungwari avehaka tjinga akuna opona po ma kweyero yemwe uriri owo nge yenena okuranda ovikondwa monganda. Otjingi tjovaţuta varaisa omakondero omanene wovikokotwa po siya vekondja ouzeu oku muna ovarande, tji tji yandja omburuma yombandjarero kombunda yo ma kondero.
“TwayandjaeraakOministeri yOmahongero, Omamemeno, Omitanda, Omanyando, Oiyandjangongo nOmbazu oku pukata ovyungurwa vyo mo nganda mo tjiungura tjayo tjo ma risiso…..Tjinene oize vyo po mahangu oku rira orupa romariro wozosikore mOkunene, Omusati, Oshana, Oshikoto, Ohangwena, nOkavango kOutokero na kOutjiro,” Ngurare watjere.
The post Ozondora za Namibia omangete o-40 maze kwizikwa ko kuranda ovikunwa appeared first on New Era.
