OKONGO – Musali walilimo zemashumi amalalu kazepeli ukulubelwa kuli nabulailwe kinyazi yahae yasimuluha mwanaha Angola, kasabule kasamulaho ayoiponda kakuipaheka. Taba yeo neezahalezi kwamunzi waOmuwike mwasilalanda saOkongo, mwasikiliti sa Ohangwena, manzibuana a Lasabata viki yefelile. Nyandi nazibahalizwe kuba Ndeshipanda Gabriel.

Yomuhulu wasipokola mwasikiliti saOhangwena Ottilie Kashuupulwa, nanyatezi piho yeo. Piho yasipokola ibulela kuli kezo yeo neezahalezi mwandandulumu yaGabriel, nyazi yahae hatomupotela. Mapokola babulela kuli babainamabapa ni Gabriel nebautwile lilata kuzwelela mwamuzuzu. Lilata leo lababilaeza mi baya kuyobatisisa mi bayomufumana alobezi fafasi ni likolofalo zebalwa.

Lipatisiso zamakalelo nelibonisize kuli yakulubelwa nataselize siezwa kasabule, kumutiseza matuuma kwalikoshi, kwaliheta labulyo, ni kwalizoho labulyo. Kumutiseza kuli mungundo yamunwana wakusupisa ni munwana omutuna ipumehe. Mapokola nebaize nashwezi onafo. Yakulubelwa yanasika patalazwa libizo lahae mwanako yani, nakile aya nikuyo ipaheka kwakota, mihato yesikai kuzwa fanashwezi nyazi yahae. Bubeli cwalo bangiwa kuli nebali mwalibato la likweli zepeli.

Mapokola babulela hape kuli nailo fumanwa ni waya mwamulala. Hakuna liñolo lelitoloka zanaipulaezi lene lifumanwi. Lipatisiso lizwelapili. Mapokola basusuelize babali mwamabato atezi likomano, kubiha kwalikolo lelibona zakulikanelela kwabaana ni basali kapa kubiha kwamapokola.

The post Nyazi walikweli zepeli ubulaya nyazi… waiponda appeared first on New Era.