Puleinge ta shiki eengalo tadi mwenyeke

Hambeleleni Daniel

Omushikingalo Nghiyolwa Puleinge a shivika nawa nedina lokembako Fessy-the Big Dreams okwa ti oha imbi eengalo tadi kufa ovanhu koipundi nelalakano okutwa oshiwana shokomongula omukumo.

Omunyasha ou okwa ya mbukile kOkahao moshitukulwa shaOmusati.

Okwa ti okwa tameka okushika eengalo momudo 2019 eshi a pitifa okangalo kaye ko tete ta kati “Komesho”.

Puleinge mo2026 okwa tameka okulonga oalbuma yaye yo tete yedina “The Indomitable of Thunder.” Nopaife oku li natango ta longo albuma ipe oyo ta iti “ All Eyes on Me”.

Okwa ti fimbo opo teya mowela okwa kala ehole okumwenyeka kofikola yavo Shaanika Nashilongo osho yo momudingonoko, osho she mu kulika fiyo opapa eli nena.

Okwa ti ohokwe lokuya meengalo okwe li kufa komushikingalo Young T, wokOngha .

Okwa ti Young omushikingalo umwe e na omikalo daa yoloka kovashikingalo vakwao vahapu unene tuu eshi omulininipiki.

Puleinge okwa ti oha imbi oungalo vomaludi ahapu ngaashiAfropop, neekwaito.

Okwa ti oha imbi eengalo di holike kovanyasha molwaashi omuna omatumwlaka a wa.

Olweedo laye lokutameka okwiimba eengalo ka kwali lipu unene tuu omhumbwe yoshimaliwa oyo ya taalela ovashikingalo vahapu.

Okwa holola kutya ohava longo noudjuu opo va kale va futa eestudio va ningile mo eengalo davo nouvidio osho yo okulandifa.

Okwa ti oungalo vaye otava hangika komalungula ngaashi youTube osho yo ko radio nokoTV opo ovanhu ve va mone vo va dule okushikula oungalo vaye.

Okwa ti eengalo daye oda nhuninwa ovanhu vomomindingonoko, ovakwanedimo nounona oshoyo ovakulunhu oshe shi otadi yandje ehafo nombili kovakwashiwana.

Natango okwa ti okwa hala oku pitifa oungalo vahapu osho yo okukufa ombinga poivilo ihapu opo a dule okushiivika kovanhu vahapu.

“Onda hala oku longa noudiinini opo eengalo n dange ndiye nokodje yoshilongo opo edina lange li kale shiiviki onga di li dingi okushika eengalo” Puleinge ta ti.

Natango okwa twa ovanyashsa omukumo ava vena ounongo wokuimba ndele opo tave ya mowela val onge noudiinini vaha shune monima, va kodjife fiyo tava hange eedjodi ndavo.

Omumwenyeki woshiwana okwa ti ota indile ova unganeki voitufi opo vemu ufane a mwenyeke poivilo yavo. Okwa ti okwa manguluka okumwenyeka keshe apa ta ufanwa.

*[email protected] *

The post Puleinge ta shiki eengalo tadi mwenyeke appeared first on New Era.