Epangelo la yandja eemiliona N$ 5 okulandela ovanafikola oukote

Epangelo oku pitila mouminsteli woukashike kookanhu ola yakula eemiliona N$5, odo da nhuninwa oku landela ovanafikola oipakate youkote meefikola.

Edi oda yelifwa kominista youkashike kookanhu komutumba wopashiwa oshivike shadjako Emma Kantema.

Pefimbo olo tuu olo, Kantema natango okwa yakula oshimaliwa sheemiliona N$ 7.9, odo danuninwa oku kwafela kehongo lounona lopedu olo lashiivika nawa onga Early Childhood Development.

Kantema fimbo ali ta popi komutumba wopashiwana okwa ti evatelo eli ola fimana moshiwana shaashi ota li kwafele okanona okanamibia, unene okakadona oku kala keli mongulu fikola ka manguluka, nonande eshito ta li pula komesho.

“Epangelo ola kala noku tula ekwafo loludi eli moilonga unene oku kwafela okanona kadona okanamibia natango keli mofikola, shaashi haaveshe vadja pondiinyaa, ndiihanga tava dulu oku landa oukote efimbo keshe,” ta ti.

Minista okwa yelifa kutya omunhu oku kala eli hanga monghalo ili ngaha ita dulu oku li wanifilapo eemhmbwe doludi eli molwa omaimbo onhumba iha shikala alushe ondjo yaye, ndele osheshi ashike naye kena kutya oikwafifo otei hange peni omwedi keshe, voo ounona vahapu oveli momaumbo tave li tekula kuvo vene shaashi ovadali kevepo, ile vaxulako nale.

“Natango epangelo eshi hali li pake moikumungu yoludi eli, okufya oshisho kutya kapena okaana taka faula kehongo molwa oushitwe, omo epangelo tali dulu okuya eenyala ndele tali kwafa ounona ava vapumbwa omavatelo,” ta ti. Mininsta okwa twikila kutya nonande omayambido oludi eli akalako ngaho nale, okweya unene oku tulwa moilonga konima eshi oshitukulwa sha Kharas shali sheyapo nopoloyeka yoku landa oukote odula yadjako, ovo vali vakosha ongushu yo N$500,000, oyali yadula oku landa oukote veli 41,700, ndele tava tukulilwa oitukulwa aishe ili o 14 moshilongo ashishe.

“Opoloyeka oyo oyali lela yakwafa ovanafikola vahapu, nepangelo ota li twikile okufila okanona kadona okanamibia oshisho peemhito adishe,” ta ti.

Epangelo natango ola yandja olupandu lonhomenawina keembani oshoyo ovaliyambi aveshe ava hava talelepo eefikola unene depangelo nokuyandja omaano oukote, omidjalo dofikola nai kwao yawedwapo.

Ouminsteli owati owapundala oshiwana eshi alushe shina okanona okanamiba komutima.

*[email protected] *

The post Epangelo la yandja eemiliona N$ 5 okulandela ovanafikola oukote appeared first on New Era.