Oshilandopangelo sha opalekwa

**Victoria Immanuel **

Uuministeli womidhingoloko, iihwa nomatalelopo melongelo kumwe nuuministeli womakwatathano gopaungomba, elelo lyondoolopa yaWindhoek osho wo ombelewa yoshikandjohogololo shaKhomas oya li ya longekidha esiku lyokoopaleka muuyuni, ndyoka ha li dhimbulukwa omumvo kehe.

Namibia okwa dhimbulukwa esiku ndyoka ha li dhimbulukiwa muuyuni awuhe momasiku 19 gaSeptemba nuumvo, kohi yexuku, ‘Namibia lya yela, okukwatela po omudhingoloko’, sha ningilwa koGoreangab moWindhoek.

Omupresidente kwali, nakusa Hage Geingob, momumvo 2018 okwa li a popi kutya Namibia ota kala ha kutha ombinga mookopaleka omumvo kehe.

Sha ikolelela komushangwa gwa pitithwa kuuministeli womidhingoloko, iihwa nomatalelopo, Namibia okwa kala ta kutha ombinga mokoopaleka okuza mo2018, nota tsikile okukutha ombinga.

“Uministeli owa hala okoopaleka ku tsikile sigo aluhe, opo Aanamibia ya kwa twe kombepo yuuyogoki, osho wo ya kaleke oshilongo shika sha yela, kaashi kale ehala lyoongaga,’’ wa fatulula ngaaka.

Onkene owa kumagidha kehe Omunamibia a tsikile mokoopaleka oshilongo shika shi kale sha yela.

Uuministeli owa gwedha po kutya esiku ndyoka na li kale lya simanekwa ku kehe gumwe sigo aluhe lyo nali kale oshiholelwa sha kehesiku.

“Ngele taku tsikilwa nuuyogoki, Namibia ota kwatele po wo omidhingoloko osho wo uundjolowele, onkene osha simana noonkondo ngele okuopaleka taku kuthwa ko onga oshiindingili sha simana,” ya ti ngaaka.

Oomahala ga yooloka oga li ga opalekwa, niikwathithilonga yali ya topolelwa aakwashigwana.

Oomwendhi dha zi ko, oondoolopa dha yooloka konooli odha kala noku longekidha iikonga yokuopaleka. Aakalimo yoondoolopa oya gongala noku tsakanene mengathithi enene pomahala ga yooloka okuopaleka oondoolopa dhawo.

• –*vkaapanda@nepc.com.na

The post Oshilandopangelo sha opalekwa appeared first on New Era.