Yanga SC yirukanye umutoza

Ubuyobozi bwa Yanga SC ikunzwe na benshi muri Tanzania, bwatangaje ko bwatandukanye na Manqoba Mngqithi wari umutoza mukuru wayo n’umwungiriza we, Chyna Mokaia.

Ni amakuru yemejwe n’iyi kipe ku manywa yo ku wa Gatandatu, tariki ya 24 Ukwakira 2026. Mu Itangazo Yanga SC yashyize ku mbuga nkoranyambaga zayo, iyi kipe yemeje ko yamaze gutandukana n’umutoza mukuru n’uwari umwungiriza we.

Yanga SC yakomeje ivuga ko nyuma yo gutandukana n’aba batoza, ikomeje gushaka abasimbura babo, kuri ubu ikipe yasigaranywe n’uwari umutoza wa kabiri wungirije.

Iyi kipe ifite izina rinini muri Tanzania, iri ku mwanya wa kabiri muri Shampiyona n’amanota 19 mu mikino umunani imaze gukina. Irushwa na mukeba wayo, Simba SC, amanota atanu.

Uretse ibyo kandi, yakatishije itike y’amatsinda ya CAF Champions League y’uyu mwaka.

Manqoba Mngqithi yamaze gusezererwa muri Yanga SC Itangazo ry’ubuyobozi ryemeza ko ikipe yamaze gutandukana n’aba batoza

UMUSEKE.RW