Molly Weyulu

Mbunga ezi twadiva asi One Economy Foundation awo kavaligusireko konombudi edi dina kuzuvhika doumbondo edi varugana kuruganesa Edina lyombunga zawo konyima tupu opo kavagwene nombapira dina kara pepenuno lyawo lyombunga zawo omu zina kuhundira asi vagwana mfuto kombunga zopautatu.

Montumwaraka ezi kavatumine nye moutano, foundation kavatente asi nombapira kwaditulisapo kumwe nokudihanesa awo vahana kudivako Yuma ndi asi vadipulisire, ntani kuna kumoneka asi kwadiruganesa vagwane mfuto molingilingi tupu wangoso. Foundation kuna kutanta asi nare vana turapo ekonakono lyavene konyima tupu apa kavayigwene moune una puko, ntani kutulisapo monamberewa gwawo, ogu ana kara asi Edina lyendi kuna kumoneka asi pomapepa gomanzi varuganesa nage Edina lyendi polili. ‘’

Kweli gumwe vana kugazarera nye kapi pana kara asi koyili vana kumona eyi vana kumugazarera ndi asi vana mugwana unzoni.

Nye eyi kuna yitulirepo morwa ekona kono olyo lina kara lyokahorehore omu vana hara asi vagwane usili,’’ yimo zina kara ngoso ntumwa raka.

Foundation simpe kuna kulikida asi sihorokwa sangesi vana sigava nare momawoko govaporosi vaNamibia ruha roukorokotji nomakonakono. ‘’ Mbunga ezi zo One Economy Foundation kavayizeresere asi aw okapi vagava tendere kwankenye gumwe omu mwakara asi twapulisira muntu atambure yimaliwa vanafutu konombunga odo yina gumu dopautatu. Yimo sina kutanta ngoso ntumwaraka. Foundation simpe kazitente asi awo kuna kulizuvha udona sili morwa Edina lyombunga zawo vanaruganesa vapiyaganeke nkarapamwe koyirugana dona. ‘’

Ose kapi tuna kulizuvha mbili, omu Edina lyombunga zetu valiruganesa nye vene vahana kudivako Yuma omu nye vantu vetu vana kugwana nombudi depiyagano. Neyi nye yaretesa po yokufana ngesi nava vakere asi kwatuhuguvarere ngesi tavakara nowoma nye mwahatjira tupu.

Awo kuna kuhundira nye navenye vakara asi kwapita moyininke yangesi ndi koyili ono divako reta yangoso komberewa zetu, ndi yigava komberewa ndi asi sasiyona zovaporosi womakona kono. Ntani awo kava tente asi kapi avagava notendere dokusika opo, nokuhundira nye nkarapamwe asi nkenye eyi vana kurugana vahepa kuyitarurura momunene nokutara asi Edina musinke lina karako lyombunga musinke komeho orugane nkenye eyi vana kupura. Mbunga ezi kazitente asi azo zina lituramo mokurugana yirugana yawo nouhaya, nekeverero ntani awo simpe navagava asi yinke yina kuhoroka apa nasisika siruwo.

The post One economy kavaligusireko koumbondo una kuhoroka appeared first on New Era.