Omaudano Okahandja United mongula mEenhana

OSHAKATI- Ovaholi voudano wokatanga kokeemadi mongula ova uka kokapale komaudano moshiputudilo shEenhana VTC eshi tava ka kufa ombinga koudano wa unganekwa kOhandja United.

Oudano ou otau ka hanganifa ovanyasha pamwe ,okukala va hafela pamwe nokuulika ounongo wavo.

Omukwateli komesho woudano ou Thomas Mwahenukange okwa ti aishe oya pwa okulongekida nokukala va ninga efiku loudano.

Okwa ti oudano owa fimana molwaashi elalakano okuyandja omhito kovanyasha va longife ounongo vavo tashi pitile okudana okatanga.

Okwa yelifa ta ti natango ospana e i i na ehalo lokukufa ombinga moudano ou oya manguluka okulishangifa nena ile mongula.

“Ovanafikola navo ova manguluka oku tu waimina koudano ou,” ta ti.

Okwa ti ospana yotete tai ka findana otai ka pewa oshimaliwa shi fike N$4 000.

Ospana itivali otai ka pewa oshimaliwa shi fike poN$2 500, omanga ospana onhinatu otai pewa oshimaliwa shi fike poN$1 500.

Okwa weda po ta ti natango ospana tai ka findana tete otai pewa ekopi.

Mwahenukange okwa hokolola ta ti Okahandja United ospana yokatanga kokeemadi ye li unganeka okukala ya ninga efiku loudano.

Okwa ti elalakano okuxwaxwameka oukumwe osho yo okukaleka po efimano loudano.

Okwa ufana oshiwana shomudingonoko wEenhana opo shi holoke kokapale oku ka tala omakoma eshi taa dana etanga.

*-fhamalwa@nepc.com.na *

The post Omaudano Okahandja United mongula mEenhana appeared first on New Era.