Onambula United noKK palace mongula odi li mokapale

OSHAKATI- Oshipana yOnambula United sho yo KK Palace mongula otadi ke li taalela mokapale komaudano kOshakati potundi 16h00.

Okwa teelelika ovaholi vomaudano vetanga lokokeemadi mongula tava kala va nguduma kokapale okukatala omakanda eshi taa kondjifafana.

Oudano ou owa kwashipalekwa kehangano loNamport osho yo Namibia Premier Football Association.

Omuxwaxwameki woudano woshipana yoKK palace, Sandro Iithana okwa ti ovadatanga voshipana yavo ove li longekida okukala va findana molwaashi ova kala tava ningi omadeulo.

Okwa ti omakondjifafano oudano ou otaa kala a kukuta mokapale shaashi oshipana keshe otai ka dana nelalakano lokufindana.

Okwa indila oshiwana opo shi kala sha fika pefimbo kokapale opo kukelelwe ovanhu tava kala momukweyo efimbo lile.

“Osha fimana opo ovanhu lande outekete vavo pefimbo unene tuu ovo ve na eetuwa. Ngeenge omunhu okwe ya a lata nena otashi pula a kale e li pondje manga molwaashi ovanhu otava kala vahapu va fikama poshivelo,” ta ti.

Okwa pula oshiwana opo shi kale sha holoka momwaalu muhapu okuya kokapale okutala omanyakwa eshi taa dana okatanga kokemaadi.

Okwa ti kokapale okuna eameno la wana, onghee okwa ti oshiwana ina shi pumbwa okuumbata oilwifo.

[email protected]

The post Onambula United noKK palace mongula odi li mokapale appeared first on New Era.