Verpligte SEB-sertifikaat vir eiendomspraktisyns ongrondwetlik verklaar

Die Pretoria-Hooggeregshof het op 8 September 2026 beslis dat die vereiste vir ’n SEB-sertifikaat om ’n Fidelity Fund Certificate (FFC) te kry, ongrondwetlik en ongeldig is. Hierdie sertifikaat is nodig vir eiendomspraktisyns (insluitend huisagente) om wettig te kan handel; sonder dit is dit ’n misdryf.

Die Property Practitioners Regulatory Authority (PPRA) het in 2024 begin om FFC’s te weier as aansoekers nie ’n “geldige” én “voldoende” SEB-sertifikaat (minstens Vlak 8 of 40 punte) gehad het nie. Sakeliga het die saak na die hof geneem omdat die wet (artikel 50(a)(x) van die Property Practitioners Act) onduidelik is oor wat “geldige SEB-sertifikaat” presies beteken.

Die hof het saamgestem dat die bepaling te vaag is en die regsekerheid skend. Die hof het die hele artikel ongeldig verklaar. Die PPRA mag dus nie meer ’n FFC weier omdat iemand nie ’n SEB-sertifikaat het nie. Die beslissing is onmiddellik van krag (nie opgeskort nie) en raak nie bestaande sertifikate nie. Dit moet nog deur die Konstitusionele Hof bevestig word, en die Parlement het 24 maande om die wet te hersien as hulle wil.

(OBH)