Epangero kuna kurerupika esiliko kugendesa yimuna

Murudi gwesiliko kugendagwisa yimuna , nyama, ntani kurandesa

Ministeli zonondima, nomfi, mema ntani ewapukururo evhu nkera kositenguko kavageve montumwaraka asi awo navakwama nontambo mokugusapo mukaro ogu gomukisi gokana nokakondo, yina reta esiliko kugendagwisa yimuna ndi yigende pwayene. Nampili ngoso, kuna silike egendaguro lyoyimuna yomakondo ntani nonyama zayo ngesi vana yigusako unene konomukunda dokomuzogo kwakara asi Redline musunda gomugeha.

Nampili ngoso yimuna yomakondo nonyama zayo nanayinye yoyimuna, munahamena nyama, sipapa, masini vana pilire kutereka ntani magadi, ruhoho romohambo, yokutunda konomukunda dokomuzogo simpe vana yisilike kupita ponomuvero edi vasilika kuyipitisapo. Montumwaraka kavageve kovanambudi, ministeli mukurona gwawo nganga goyimuna Kenneth K. Shoombe, katente asi mukunda gwa// Kharas simpe kuna kara mesiliko,nokuhundira asi vana farama vahepa kukeverera yimuna yawo nsene asi kuna kulikida mukisi ogu gokana nokakondo, nsene asi kuna kugwema, mazeze gomanzi. Nokukwama nye eyi vana kurugana komnomuknda dimwe edi dina kara asi dokomuzogo, makura kuna kuvahundira asi nampili nyama zombihu vahepa kuturamo ehundiro, omu navadipaga pwamwene muntu ndi omu vana kudipaga pangesefa.

Kugusako mukunda gwa//Kharas, yimuna vahepa kuyitwara vakayitjangese, vagwane epulisiro kovanganaga yimuna, ntudi kuyitura pevango lyokundindilira nokugwana epulisiro palikwamo lyokukebverera unene. Makura kuvhura nyue kutwara kokatomeno ove ono gwana mbapira zina kutunda kovanganga yimuna. Mokugwedako, Namibia kwakara nelikwamo lyokuvhura kugwana asi ngombe ndi simuna esi kupi sina kara ndi asi salye yina kutanta asi kwato yimuna yoyipe navagwana konyima zomazuva 30, yimuna nayo yahepa kuza kosipangero vayikona kone vagwana asi kapi yina kara nomukisi gokana nokakondo.

Mokugwedako, yimuna kuvhura kuyidipaga kevango eli vatjangesa lyokudipagera ndi katomeno nye yahepa kukara asi simuna oso kwasitura pevango keverero ure womazuva 30 komeho vakasidipage nye vahepa kusikona kona asi kwato mukisi ogu gokana nokakondo.

Nye kudipaga zokulya membo hawe oyo vana yipulisire kudipaga tupu, eyi yina kara asi kuna pulisire tupu asi ozo nyama zahagendagura komavango peke vazilye tupu poopo vana zidipagere. Zokudipagera nye kofarama, ndi pembo nositambo asi kuna kurandesa, ngesi oyo kuna yisilike dogoro komeho oko. Vantu ngesi kuvhura nye vagende omu navaweka nongombe ndi asi yimuna sirongo nasinye, omu navaruganesa nyama komavango gokulisiga siga. Kurerupika eyi kuna wizirepo apa ministeli kazidimbwilire asib mukisi ogo gokana nokakondo kapi guna siki konomukunda nadinye kunakara tupu mo//Kharas.

Moutatu kaupwire, ministeli zonondima kavageve mbudi nokuyinkondopeka asi awo moNamibia kunagwna mukisi ogu gokana nokakondo asi kapi vakara nomurudi gokomuzogo, eyi twadiva asi redline meraka lyovakwetu. Eyi kuna kwama yihonena eyi kavagusire vakakona kone yina siki ko 10 no 11 kavagusire moKarasburg komuzogo gwa//Kharas edi kavagwene asi kuna kara nomukisi.

Vanganga yimuna moKarasburg vepangero kavakere tavakeverere nongombe 63 edi dina kulikida asi kuna kutameka uvera ou wokana nokakondo posiruwo oso kavakere tavadidingura siruwo nasinye.vanganga yimuna kavagusire yihonena 11 konongombe omu nye kavayigeve komberewa zawo zonene moVenduka kolaboratory vayikona kone nokugava uhaku.

Konyima nye apa kavamene kukona kona, 10 -11 koyo kavagusire kavayigwene asi nongombe edi kuna kara nomukisi gokana nokakondo, ntani makura moutatu ministeli yipo nye kazigeve paveta eyi kavagwene vayigave kosirongo nasinye.

*[email protected] *

The post Epangero kuna kurerupika esiliko kugendesa yimuna appeared first on New Era.