Kapuuo manakaura omaindjambo wouhonapare okurira orupa rOJD

**Uakutura Kambaekua **

Ombara Vipruira Kapuuo ma nakaura nomasa omaindjambo wOmbara Otjitambi Mutjinde Katjiua kutja ovo veke rikutire kokomiti yohoromende ndjima ondjina nombatero otjo tjisuta kOtjitiro Otjindjandja.

Ombara ya Tjizingue, Janee Mujahere, wa pitisire orutuu kozombuze mena ra Kapuuo otjo muhaamise wovihavero vyotjirata tjozombara zOuhonapae wOmbazu wOvaherero, ousupi OOTA. Kapuuo amatja ongurameno youhonapare mOmaitevarasaneno yApamwe, Ojoint Declaration, ousupi OJD, pokati kohoromende ya Namibia noyEhi rOvandoitji ngamba kaiyarira oku runduruka kaparukaze.

“Ouhonpare wOmbazu wOvaherero ngamba uri pu utjiukirwa otja tji wa raisa kokutja Omaraisiro wApamwe pokati kohoromende yEhi rOvandoitji noya Namibia ivetasana ovipara norukosi rwawo roukohoke momayarurapero waimbi omuhoko mbu tja pandjara. Ongurameno yetu otjo OTA, ndji hitasana na indi yotjiwangungu tjOmboronganeno yOzombara za Kandjoze mOtjitiro Otjidjandja, ya raisiwa no ku tjangwa nawa nu irihungira oini,” Kapuuo matja.

Na ryama komurungu kokutja kangamwa oma zuvira warwe nge hohiziwa iyo vetunyengwa, muwo mumuna ongongo Katjiua, owina nu yasana komatikuriro wowatjiri.” Kapuuo matja kangamwa ngu me riope kokutja u kuramenapo o OTA mokomiti yOmaitaverasaneno wApamwe ke ya hindwa iyouhonapare kotjiveta kaparukaze.

Pombonagerro yozombuze otjiveke tjitjazuko Katjiua weripere kokutja orupa rwa Kapuuo rwa zika ovakuramenepo kokomiti yOtjitiro Otjindjandja yOmaitavresaneno yApamwe. Oyo otupa atuyevari tu ya nakaura.

The post Kapuuo manakaura omaindjambo wouhonapare okurira orupa rOJD appeared first on New Era.