Maxbuus xidhnaa 28 sanadood oo xabsiga laga sii daayay

Waxa shalay xabsiga Hargeysa laga sii daayay 𝐃𝐚𝐡𝐢𝐫 𝐐𝐚𝐚𝐬𝐢𝐦 𝐀𝐛𝐝𝐚𝐥𝐞,oo ahaa maxbuus muddo 28 sano ah ku xidhnaa xabsiga dhexe ee Hargeysa, kaas oo noqday mid ka mid ah maxaabiista ugu muddada dheer ee dalka u xidhan xuquuqda madaniga ah.

Maxbuuskan ayaa ka mid noqday maxaabiistii ugu muddada dheerayd ee la sii daayo muddadii uu xilka hayay Wasiirka Wasaaradda Caddaaladda JSL, 𝐌𝐮𝐝𝐚𝐧𝐞 𝐘𝐨𝐨𝐧𝐢𝐬 𝐀𝐱𝐦𝐞𝐝 𝐘𝐨𝐨𝐧𝐢𝐬 sii Daynta maxabiista oo ayaa ka dhalatay kormeerkii wasiirku ku sameeyay xabsiyada dalka

Muddada uu Wasiirka Wasaaradda Caddaaladdu joogay wasaaradda, waxa la sii daayay maxaabiis badan oo muddo dheer ugu xidhnaa arrimo la xidhiidha xuquuqda madaniga ah.

Tallaabooyinkani waxay qayb ka yihiin dadaallada lagu ilaalinayo xuquuqda maxaabiista, kuwaas oo Wasaaradda Caddaaladdu mudnaan gaar ah siinayso, iyadoo ay ka go’an tahay dhowrista xuquuqdooda iyo daryeelka xaaladahooda.