Mwanyagapo a mono egumbo lye lya hugunina

**Victoria Immanuel **

Omuniilonga kwali gwehangano lyoNamibian Broadcasting Corporation (NBC), Lameck Mwanyangapo okwa dhimbulukwa koyendji onga omuntu gwaantu, omwiitulemo noha gwanitha po iilonga ye pethimbo osho wo omutulilimo mayele gwaantu.

Mwanyangapo, okwa hulitha momasiku 29 Aguste nokwa holekwa Olyomakaya pomayendo Eengoma moshitopolwa shaMusati. Okwa hulitha memepi lyomimvo 61.

Engathithi enene olya li lya gongala pegumbo noku mu tangumuna ngaashi nana ye mu shuwa.

Omuthaneki omukulu, anuwa okwa kala noku lwiitha omukithi gokaankela, no kwali a totopo ehangano lye lyina sha nokaankela konima ali a monika omukithi ngoka mo2023.

Mwanyangapo okwa li a totopo ehangano ndyoka anuwa okugandja omalongo osho wo okugandja omukumo kwaamboka ya monika okaankela.

Ehangano lyoNBC ndyoka a longele ethimbo onga omuthaneki, olye mu tanga onga omulumentu omuthaneki dhingi nomwiitulemo.

“Omulumentu nguka a lala mpaka okwa yambidhidha NBC momikalo dha yooloka. Okwa tula wo ehangano ponkatu yimwe ye humokomeho osho wo ekoko lyeliko mehangano,” aaniilonga yoNBC ya shanga ngaaka.

Taya ti, Mwanyangapo okwa li omuntu gwombili nomuyambidhidhi gwoyendji, ya gwedha po kutya ezepo lye, olye ya thigile oluhepo.

Taya tsikile kutya Mwanyangapo okwa kala ha kondjele aaniilonga pamwe naye opo ya mone omauwanawa oshoka okwa li ena ekwatathano ewaanawa naanambelewa aakuluntu.

Omukulukadhi gwe, okwa dhimbulukwa omusamane gwe onga omulumentu omwaanawa ngoka ali ena oshimpwiyu naanegumbo lye.

“Okwa tekula aanona ye nohole ombwaanawa nokuyonga esimaneko netilo Kalunga,” ta ti ngaaka.

Ta ti omusamane gwe na vululukwe nombili ye etagelele ongula yependuko.

Mwanyangapo okwa thindikilwa kaantu yoondondo dha yooloka ya za meni osho wonkondje yoshilongo.

–vkaapanda@nepc.com.na

The post Mwanyagapo a mono egumbo lye lya hugunina appeared first on New Era.