Ovadali va pulwa va kufe ombinga mehongo loludalo lavo

Ehangano lovadali li na sha noipambele yehongo ledina National Organisation of Parents in Education (Naope) ola pula ovadali novatekuli vounona va kufe ombinga mehongo lounona vavo, tali ti ekufombinga lavo inali tameka ashike poidjemo yomakonakono ya nghundipala.

Omupopiliko woNaope Salome Kambala Omaandaxa okwa indila ovadali va kale alushe nokukwatafana nounona vavo, okutalela oilonga yavo yofikola, okuya koyoongalele yofikola nokukundafana novahongifikola newiliko lofikola momukokomoko womudo.

Omapopyo aa ee ya eshi ounona va tameka eetundi Omaandaxa konima yokafudo kaxupi.

Ovadali otava indilwa va kwashilipaleke kutya ounona vavo ova shuna kofikola pefimbo, ve lilongekida novatuwa omukumo va twikile nelihongo lavo.

Kambala natango okwe va pula va yandje omayakulo oludi keshe kounona, unene ngaa ngee ve li mo nai koilonga yofikola ile komikundu da pamba omaliumbato nonghalafano.

“Inatu teelela oidjemo yomakonakono opo tu dimbuluke kutya ounona vetu kave udite ko ile ngee oilonga yavo yofikola nomaliumbato a ya nai filufilu. Natu kufe ombinga,” osho a ti ngaho.

Okwa indila ovahongifikola neefikola di kwatele mo ovadali ngee pa holoka oupyakadi kombinga younona, elihongo lavo, okufaula, omikalo nonghalonawa aishe koonono.

“Ovadali nava talike ko kutya navo ova kufimbinga mokupotokonona oinima. Nava wilike ounona vavo.

Okukatuka onghatu kuyele otaku dulu okuninga elunduluko la mana mo,” Kambala ta ti.

Okwa ti ovadali itava dulu okupingena po ovahongifikola, ngaashi ashike ovahongifikola itava dulu okupingene po ovadali, ashike elongelokumwe pokati komaumbo neefikola otali dulu okuwedela eemhito deyokomesho lounona mehongo.

Okwa pandula ovahongifikola novanambelewa vehongo molwelitulemo lavo mokuyakula ounona vavo mokati komikundu didjuu.

The post Ovadali va pulwa va kufe ombinga mehongo loludalo lavo appeared first on The Namibian.