Jman Scario ta yambula po omufyuululwakalo neenghulunghedi

**Hambeleleni Daniel **

Omushikingalo Thomas Kaapanda a shivika nawa nedina Jman Scario a yambukile komukunda Eunda moshitukukwa shaMusati ota kufa ovanhu vahapu koipundi mokushika eengalo dopamufyuululwakalo wAakolonkadhi.

Jman Scario okwa ti okwa tameka okushika eengalo mo 2023 pOkatope Record moWindhoek.

Okwa hala okulongifa ounongo waye opo a yambule po omufyuululwakalo wavo waaKolonkadhi neenghulunghendi davo.

Okwa ti pOkatope Record opo a monika kutya ota dulu okwiimba novakala nokumutwa omukumo a pitife oungalo vahapu.

“Onda nyanyukwa eshi va kala nokutwange omukumo ndi kufe ombinga mokushika eengalo nafiyo osheshi nda fika ponghatu apa,” Jman Scario ta ti.

Okwa ti okwa kala ehole okupwilikina eengalo ngaashi Exit,The Dogg, Gazza na PDK novo veli vemu pa natango omukumo wokupula komesho neengalo.

Okwa ti ohaimbi oungalo vomalundi mahapu ashike unene okuhole oungalo voShambo shaashi ovo hava wapalele ewi laye.

Okwa ti fiyo opapa oungalo ava a shika ongaashi: Eunda Sutu, Ondekukolota na Nampla.

Okwa ti okangalo onde ku kolota oka nhuninwa ava vena omitima da teka omanga Nampla okangalo veka shika na Davymore taka dimbulukifa Namibia naAngola pefimbo kwa li tave li kwafele eshi vali moita.

Okwa ti okwa talelika komashongo ngaashi okuhena ostudio apa ta imbile eengalo daye osho yo okulandifa ouCD vaye.

Ashike okwa ti oku na okukondjifa molwaashi ina hala ovanhu va dimbwe oungalo vomufyuululwakalo wavo nokwa hala okukala tashiki eengalo dina ongushu.

Okwa ti mokushika eengalo okwe li longa mo shihapu ngaashi okulonga noudiinini nokukala elineekela muye mwene.

Scario kwa holola kutya oshimaliwa oshi li eshongo la kula ngeenge tashi ya kovashikingalo vopedu.

Okwa ti ohava longo noudjuu opo va kale va futa eestudio va recordinge eengalo davo nouvidio osho yo okulandifa.

Okwa twa ovanafikola ovo va hala okukala ovashikingalo opo va kufe ko ehongo tete vo va ka imbe nawa eengalo ngeenge va mane ofikola.

Jman kwa pula ovalanduli vaye opo va twikile okupwilikina eengalo daye molwaashi ohashi va tu omukumo.

Jman Sckwa okwa pula epangelo osho yo ovanangeshefa vemu kwafe nakashona vena po opo a pitife eengalo.

Ta ti ota indile ovaunganeki voitufi opo vemu ufane a mwenyeke povilo yavo. Okwa ti okwa manguluka okumwenyeka keshe apa ta ufanwa.-*[email protected] *

The post Jman Scario ta yambula po omufyuululwakalo neenghulunghedi appeared first on New Era.