Ovanafikola ve li modolongo otava ka shanga omakonakono

Omukulunhu wopolifi moshitukulwa shaMusati, Commissioner Ismeal Basson okwa ti ovanafikola ile ovalihongi ve li modolongo ve na ehalo lokushanga omakonakono otava ka pitikwa okushanga.

Edi okwe di popya onghela pefimbo a ninga eenghundafana naKundana.

Okwa yelifa ta ti okwa popya nale novakulunhu voitaashi yopolifi opo va tulepo elandulafano nghene ovanafikola ve li modolongo tava ka shanga omakonakono.

“Fiyo opapa kandi na ouyelele kutya ovanafikola ove li va ngapi ashike otuva na ve li meedolongo,” ta ti.

Basson okwa nyakula onghela e likwatela kepulo a pulwa kombinga yomunafikola weedula 16 ou e li modolongo molwaashi vati a dipaa omukulupe omwedi wa dja ko.

Omunaf ikola ou okwa nyenwa omhito yokulifutila mo modoolongo eshi ka holoka momhangu yamengestalata waUtapi omwedi wa djako.

Oshibofa osha undulilwa komudo tau ya.

Omutamanekwa ou oku li mondodo onhi-6.

Oshiningwanima osha ningwa omwedi wa dja ko komukunda Onheleiwa moshikandjohoololo shaEtayi, efimbo lokonguloshi.

Nakufya okwa tongolwa oye Fried Hamufungu weedula 60, omukalimo womomukunda Onheleiwa.

Otaku hokol olwa kutya okamatyona aka oke li omushiinda womukulupe ou.

Opolifi oya hokolola tai ti okamatyona aka oka ya meumbo lomukulupe nelalakano lokuvaka.

Vati oka ya monduda yokunangala yomukulupe ndele ta ke mu denge noshitenda komutwe.

Opolifi oya hokolola tai ti nakuninga oshihakanwa okwe li denge fiyo ta xulifa.

Otaku hokolola kutya okamatyona aka oka kufa mo omaliko ngaashi ongodi yomukulupe.

Opolifi oya kumaida ovadali opo va kale tava xungile nounona vavo okuva longa outeku osho yo efimano lomifyuululwakalo nghene ve na okuliumbata.

*[email protected] *

The post Ovanafikola ve li modolongo otava ka shanga omakonakono appeared first on New Era.